Қазақстанның Ауыл шаруашылығы министрлігі мал экспортына жаңа квоталар енгізді

Қазақстан алты ай мерзімге мал әкетуге сандық шектеулер (квоталар) енгізді. Ауыл шаруашылығы министрі тиісті бұйрыққа қол қойды.

Квоталар 12 айдан асқан бұқашықтарды және 6 айдан асқан қошқарларды әкетуге енгізіледі.

12 айдан асқан бұқашықтарды әкетудің сандық лимиті 85 мың басты құрайды, оның ішінде:

• бордақылау алаңдары үшін - 55 мың бас;
• тауар өндірушілер үшін - 30 мың бас.

6 айдан асқан қошқарларды әкетуге арналған сандық лимит 120 мың басты құрайды, оның ішінде:

• бордақылау алаңдары үшін - 60 мың бас;
• тауар өндірушілер үшін - 60 мың бас.

Бұқашықтарды әкетуге квота алу үшін бір бордақылау алаңының шектеуінің жиынтық саны 4 мың бастан аспайтыны, ал бір тауар өндірушіге - 500 бастан аспайтыны атап өтілді.

Қошқарларды әкетуге квота алу үшін бір бордақылау алаңына шектеу жиынтық саны 1 мың бастан аспайды, ал бір тауар өндірушіге - 500 бастан аспайды.

"Бұл ретте, бір бордақылау алаңына берілетін квота бордақылау алаңы қуатының 20%-нан аспауы тиіс және квотаны бөлу кезінде бордақылау алаңындағы мал басының нақты саны сұралған квота көлемінен екі есе көп болуы тиіс", - делінген құжатта.

Естеріңізге сала кетейік, ағымдағы жылы Қазақстан Қытаймен тірі мал экспортына қойылатын ветеринариялық талаптарды келіскен болатын. Ірі нарықтың ашылуын ескере отырып, Ауыл шаруашылығы министрлігі бордақылау алаңдары үшін бұқашықтарды әкетуге квоталарды қайта қарады.