Маңғыстауда құрғақ түйе сүтінің өндірісі іске қосылады

Маңғыстау облысында 2025 жылы шетелдік инвесторлармен бірлесіп құрғақ түйе сүтін өндіретін зауыт салынады. Жобаның құны 2,2 млрд теңгені құрайды. Бұл туралы ОКҚ-да өткен баспасөз мәслихатында Маңғыстау облысының әкімі Нұрдәулет Қилыбай мәлімдеді.

Толық қуатына шыққаннан кейін зауыт жылына 1,5 мың тонна түйе сүтін өңдейтін болады.

Жоба өңірдің агроөнеркәсіптік кешенін дамытудың 2024-2026 жылдарға арналған Жол картасына енгізілген. Барлығы құжат 15 млрд теңге сомасына 10 инвестициялық жобаны қамтиды. Жобаларды іске асыру ішкі нарықты жергілікті өндірілген өнімдермен қанықтыруға мүмкіндік береді.

Нұрдәулет Қилыбай ауыл шаруашылығы қазіргі уақытта Маңғыстау облысында белсенді дамып келе жатқан салалардың бірі екенін атап өтті. Биылғы жылы шамамен 34,5 млрд теңгеге өнім өндірілді. Мал шаруашылығы өнімдерін шығару көлемі 31%-ға ұлғайды. Өңірде инвестиция көлемі 4 млрд теңгені құрайтын азық-түлік қоймасы пайдалануға берілді. Келесі жылы құны 3,5 млрд теңге болатын жұмыртқа мен құс етін өндіретін кәсіпорынды, сондай-ақ жылыжай кешенін іске қосу жоспарлануда.

Өңірді дамытудың әлеуетті келешекті бағыттарының бірі - балық шаруашылығы. Сондай-ақ, өңірде кәсіби балық аулауды жандандыру жоспарлануда.

«30 жылдық үзілістен кейін Маңғыстауда кәсіптік балық аулауды дамыту мәселесі көтерілді. Кеңес дәуірінде тез дамып, кейін тоқтап қалған осы шаруашылықты қайта құру үшін бірқатар инвесторлар тартылды. Бүгінгі таңда заманауи балық аулау кемелері сатып алынды. Келесі жылы да осындай кемелерді сатып алу жоспарда бар», – деді Нұрдәулет Қилыбай.