Өзбекстан қазақстандық сиыр етінің ірі сатып алушысы болды

2024 жылы Қазақстаннан барлық түрдегі сиыр етінің экспорты 22 014,9 тоннаны құрады, елімізде осы ет түрінің 400 мың тоннаға жуық жеке өндірісі бар. Яғни, экспорт үлесі өндіріс көлемінің шамамен 5,5%-ын құрады. Бұл туралы ҚР ауыл шаруашылығы вице-министрі қызметін атқарған сарапшы Төлеутай Рахымбеков мәлім етті.

Сарапшы сыртқы сауда статистикасын талдап, негізінен Қазақстан сиыр етінің екі түрін - «жас және салқындатылған» және «мұздатылған» экспорттағанын атап өтті.

2024 жылы «жас және салқындатылған» ІҚМ ет экспортының көлемі 90 млн 428,2 мың доллар сомаға 21 507,3 тоннаны құрады, яғни экспорттың орташа бағасы килограмына 4,2 доллар (қазіргі бағам бойынша шамамен 2200 теңге/кг) құрады. Оның ішінде Өзбекстан Қазақстаннан сиыр етінің осы түрінің 20 660 тоннасын немесе 96,1%-ын сатып алды. 2024 жылдың қорытындысы бойынша 496 тонна экспорты бар Тәжікстан екінші ірі сатып алушы болды.

Сондай-ақ Иран 298,4 тонна көлеміндегі қазақстандық сиыр етін $5,6 кг-ға 1 млн 671,9 мың долларға, БАӘ - $10,9 кг-ға 32,8 тоннаны 357,5 мың долларға және Грузия $4,61 кг-ға 92,2 мың долларға 20 тоннаны сатып алды.

Сол топтағы «жас немесе салқындатылған сиыр еті» бойынша импорт көлемі 271,6 мың АҚШ доллары сомасына 9 тоннаны құрады, орташа баға $30,2 кг. Жалғыз жеткізуші АҚШ болды.

Сонымен қатар, 2024 жылы Қазақстан  $4,9 кг орташа бағамен 2 млн 492,7 мың долларға жалпы сомасы 507,6 тонна мұздатылған ірі қара мал етін экспорттады. Экспорт Қырғызстанға (193,2 тонна), Өзбекстанға (134,2 тонна), Тәжікстанға (113 тонна), Қытайға (60,8 тонна), БАӘ (6,4 тонна) болды.

2024 жылы мұздатылған сиыр етінің импорты 4,2 доллар орташа бағамен 29 млн 932 мың долларға 7 141,6 тоннаны құрады.