Павлодар облысында 1,4 мың ірі қара малға арналған тауарлы-сүт фермасы іске қосылды

Павлодар облысында 1 450 бас ІҚМ ұстауға есептелген тауарлы-сүт фермасына асыл тұқымды төлдемеген малдың бірінші партиясы жеткізілді. «Andas Agro» ЖШС фермасы 2025 жылдың сәуір айында пайдалануға берілді, деп хабарлады ҚР Ауыл шаруашылығы министрлігінің баспасөз қызметі.

Ферма құрылысына 7 млрд теңге инвестицияланды. Кәсіпорын Солтүстік Қазақстан облысының табысты тәжірибесін тираждау бағдарламасы бойынша жеңілдікті қаржыландыру алды.

«Ферма халықаралық мал шаруашылығы стандарттарына сәйкес салынған. Нысанда автоматты суаратын және желдету жүйесі бар заманауи қоралар, бұзаулар, жемшөп цехы салынды, 50 орындық толық автоматтандырылған «Карусель» типті сауу залы орнатылды. Бұдан басқа, жануарлардың өнімділігін, жай - күйін және барлық технологиялық процестерді бақылауды қамтамасыз ететін табынды басқарудың цифрлық жүйесі енгізілді», - деп хабарлады Ауыл шаруашылығы министрлігі.

Andas Agro 600 шетелдік селекциялық төлдемеген малды сатып алуды жоспарлады. Бірінші партия — Даниядан 165 бас ІҚМ Қазақстанға келді. Төлдемеген малдың жеті сағаттық ұшуы штаттық режимде өтті: мамандар мен ветеринарлар желдету, санитария, орналастыру тығыздығы және жануарлардың жай-күйін бақылау жөніндегі нормаларды қоса алғанда, халықаралық тасымалдау стандарттарының сақталуын қамтамасыз етті.

Жыл соңына дейін екінші жеткізілім күтілуде, содан кейін ферма жоғары өнімді малмен толық қамтамасыз етіледі.

Жобалық қуаттылыққа шыққаннан кейін тауарлы-сүт фермасы жылына 13 мың тоннадан астам сүт өндіре алады, бұл өңірдің шикізат қорын нығайтуға және қайта өңдеу кәсіпорындарының жүктемесін арттыруға мүмкіндік береді.