Павлодар облысында құс тұмауы бойынша арантин енгізілді

Павлодар облысы Воскресенский ауылдық округінің Березовка ауылында үй құсы жаппай қырылды. Зертханалық талдаулар жоғары патогенді құс тұмауының болуын растады, осыған байланысты ауылда карантин енгізілді. Бұл туралы облыстық ветеринария басқармасынан хабарлады.

Березовка тұрғыны Воскресенский ауылдық округінің ветеринариялық пунктінің меңгерушісіне 1-3 қазан аралығында оның ауласында 42 қаздың қырылғанын хабарлады. Ветеринария басқармасының өкілдері ауылға барып, патологиялық материалдарды іріктеп, құстың қан сарысуынан сынама алды. Патологиялық материал Нұр-Сұлтан қаласындағы Ұлттық ветеринария референттік орталығына жіберілді, онда 8 қазанда құстардың жоғары патогенді тұмауы диагнозы қойылды.

Өтінш берушінің шаруашылығында 185 бас құс бар. 8 қазанда аулада 76 бас болды: 66 қаз және 10 тауық. Өлекселер мал қорымында өртеу жолымен кәдеге жойылды.

Басқарманың мәліметінше, Березовка ауылында барлығы 36 аулада 1106 бас құс бар. Инфекцияның болжамды көзі - жабайы синантропты құстар. Өлуден бірнеше күн бұрын құлаған көгершіндердің мәйіттері оттықтардан табылған болатын.

Хабарланғандай, 11 қазаннан бастап өлім болған аулада инфекция көзін жою бойынша жұмыстар жүргізілуде. Иесіне қырылған және алынған құстың құны өтеледі.

Қыркүйек айының соңында құс тұмауы Солтүстік Қазақстан облысының Лебяжье ауылында тіркелді. Нәтижесінде 1 мыңнан астам құс қырылды.