Қостанай облысында астық экспортына сертификаттарды бақылау күшейтіледі

Қостанай облысының Кәсіпкерлер палатасы, ҚТЖ және мемлекеттік кірістер органдары астық экспортына CT-1 сертификаттарын есепке алу бойынша меморандум жасауға келісті. Осылайша, облыс кейіннен қазақ бидайының атын жамылып экспорттық нарықтарға шығып жатқан сұр бидай импортымен күресу шараларын күшейтуде. Бұл туралы «Атамекен» өңірлік палатасында хабарлады.

Ресейден сұр бидай импортының ауқымын ескере отырып, Қазақстан үкіметі оны автомобиль, су және теміржол арқылы әкелуге уақытша тыйым салды. Ерекшелік тек қана өз өндірісі мен тұтынуы үшін құс шаруашылығы мен ұн тарту кәсіпорындарына темір жол көлігімен бидай әкелу үшін ғана қарастырылған.

Қазақстан арқылы астықтың транзитіне де рұқсат етілсе, ҚТЖ транзиттік тарифі ресейлік астықтың әрбір тоннасының құнын 20 мың теңгеге көтереді. Бұл қазақстандық астықтың бәсекеге қабілеттілігін арттырады және дәстүрлі қазақ нарығына ресейлік экспансияны тежейді.

Алайда, Кәсіпкерлер палатасының хабарлауынша, үлкен көлемдегі астық үшін бір СТ-1 сертификатын қайта-қайта беру, транзиттік тарифтің дұрыс есептелмеуіне әкеліп соқтыратын жағдайлар бар. Осыған байланысты Экономикалық тергеу департаменті (ЭТД) «ҚТЖ-Жүк тасымалы» кәсіпорнына заң бұзушылықты жою туралы сауал жолдады.

Бұл мәселені, сондай-ақ нарықты сұр импорттан қорғаудың алдағы қадамдарын Қостанай облысындағы ЭТД негізінде жұмыс тобы талқылады. Жиынға «ҚТЖ-Жүк тасымалы» өңірлік және орталық аппаратының өкілдері де шақырылды.

«Талқылау барысында Қостанай облысының кәсіпкерлер палатасы, Мемлекеттік кірістер органдары және ҚТЖ арасында осы жүйелі мәселені тиісті бақылау және болдырмау үшін дәнді дақылдардың тиесілігі туралы СТ-1 сертификаттарын одан әрі есепке алу үшін меморандум жасасу туралы шешім қабылданды», - деп хабарлады Кәсіпкерлер Палатасында.

Сонымен қатар, Экономикалық тергеу департаменті Кәсіпкерлер палатасымен бірлесіп өңірдің дамуы үшін жағымсыз салдарларды жою, көлеңкелі экономика факторларын болдырмау және облыстың жүйелік мәселелерін шешу бойынша тұрақты негізде іс-шаралар жүргізеді.