Қазақстанның астық қоры 13,3 млн тоннаны құрайды

Қазақстандағы астық қоры 1 сәуірдегі жағдай бойынша 13 млн 361,8 мың тоннаны құрады. Оның ішінде бидай - 10 млн 798,7 мың тонна. Бұл туралы Ұлттық статистика бюросы хабарлады.

Бидайдың негізгі бөлігі — 9,2 млн тонна — азық-түлікке арналған. Жемдік бидай қоры 504,1 мың тоннаға дейін азайды. Тұқым қоры 1 млн 73,5 мың тоннаны құрады. Бидайдың жалпы көлемінің 525,2 мың тоннасын дурум құрады.

Сонымен қатар, 1 сәуірге қарай арпа қоры 1 млн 486,3 мың тоннаға дейін азайды, оның 675,6 мың тоннасы - азықтық арпа, 641,5 мың тоннасы – жем және 169,2 мың тоннасы – тұқым.

Сондай-ақ, жүгері көлемі 104 мың тоннаны, күріш - 177,8 мың тоннаны, сұлы - 157 мың тоннаны, қарақұмық - 53 мың тоннаны құрады.

Астықтың жалпы көлемінің 5,6 млн тоннасы ауыл шаруашылығы кәсіпорындарына, 2,5 млн тоннасы шаруа қожалықтарына, 1,1 млн тоннасы өңдеушілерге тиесілі, ал элеваторлардың қоры 3,5 млн тоннаны құрады.