Қазақстандықтар үшін Ресейге азық-түлік тауарларын тасымалдау талаптары жеңілдетілді

Еуразиялық экономикалық одақ азық-түлік тауарларын тасымалдауға қойылатын талаптарды жеңілдетті. Бұл туралы Еуразиялық экономикалық комиссияның (ЕЭК) баспасөз қызметі хабарлады.

ЕЭК мәліметтері бойынша, Ресей Федерациясы еуразиялық «бестік» елдерінің ішкі нарығында азық-түлік және азық-түлік емес тауарларды тасымалдауға қойылатын талаптарды алып тастады.

«Біз Ресей Федерациясындағы әріптестеріміздің  ЕАЭО елдері арасында өзара сауда жасауға кедергі келтіретін талаптарды жоюға бағытталған  жұмыстарын байқап отырмыз», — деді ЕЭК ішкі нарықтар, ақпараттандыру, ақпараттық және коммуникациялық технологиялар министрі Гегхам Варданян.

Бұған дейін, ЕАЭО елдерінің ішкі нарығындағы жағдайға мониторинг жүргізу кезінде ЕЭК ішкі нарықтарының қызметі департаменті Ресей тарапынан азық-түлік өнімдерін тасымалдауға қосымша талаптары бар екенін анықтаған.

Сонымен бірге, «Тамақ өнімдерінің қауіпсіздігі туралы» одақтың техникалық регламентіне сәйкес әр түрлі тауарлардыңтүрлерін бірге бір уақытта тасымалдауға рұқсат етіледі. Алайда олардың бір-біріне жанасуын, ластануын және тамақ өнімдерінің органолептикалық қасиеттерінің өзгеруін болдырмайтын жағдайларды қамтамасыз ету қажет.

Осындай тасымалдау процесін реттеумен айналысатын департаменттер өкілдерімен кеңестер өткізілді. Қазір Ресейдің санитарлық ережелері ЕАЭО техникалық регламенттерінің нормаларымен сәйкес келеді.