Қазақстан фермерлер үшін кепілдікке қойылатын заттың өтімді болу мәселесі шешілді

Ауылшаруашылығы министрлігі басшысының тапсырмасы бойынша фермерлердің кепілдігі барынша өтімділік бойынша бағаланады. Бұл туралы ҚР Ауыл шаруашылығы министрлігінің баспасөз қызметі хабарлады.

Ауыл шаруашылығы министрлігінің отырысында Фермерлер одағының өкілі Қанат Сүлейменов фермерлердің кепілдікке қойған заттарын төмен бағалануы туралы өзекті мәселені көтерді. Осыған орай, Ауыл шаруашылығы министрінің бірінші орынбасары Айдарбек Сапаров Ауыл шаруашылығы министрлігінің басшысы Сапархан Омаровтың тапсырмасымен кепілдік саясаты қайта қаралып, фермерлердің кепілдігі өтетіндей болып бағаланатындығын айтты.

Сапаров сонымен қатар, егін егу жұмыстарының уақытылы жүргізілуі  маңызды екендігін атап өтті.

«Қазіргі төтенше жағдайда фермерлер қажетті барлық заттармен уақтылы қамтамасыз етілуі керек, сондықтан облыстардың әкімдіктері мен «КазАгро» ҰБХ «Қарапайым заттар экономикасы» бағдарламасы бойынша бөлінген қаражатты ескере отырып, көктемгі дала жұмыстарына уақтылы дайындалып, барлық шараларды қабылдауы қажет. Микрокредит беру және несиелерді кепілдендірудің жаңа құралын енгізу мәселелерін ерекше бақылауға алып, сонымен қатар ауылшаруашылық өнімдерін форвардты түрде сатып алуды тиісті түрде жүзеге асыруды қамтамасыз ету қажет», — деді вице-министр.

Баспасөз қызметінің ақпаратына сәйкес, кездесу барысында Агрокредит корпорациясының өкілі «Кең Дала» бағдарламасы бойынша несиелендіру нәтижелері туралы айтты, оған сәйкес негізінен шағын және орта фермерліктерге жылдық 5% мөлшерлемемен 70 млрд теңге аударылды. Сонымен қатар, «Қарапайым заттар экономикасы» бағдарламасы бойынша 100 млрд-тың  6,5 млрд теңгесі  берілді. Несие беруді жеделдету үшін өтінімдерді қарастыру мерзімі және талап етілген құжаттардың тізімі қысқартылды.

Жеңілдетілген түрде  «Қазагроқаржы»  қаржыландыруға кірісті. Бүгінгі таңда көктемгі дала жұмыстарына ауылшаруашылық техникаларына 33,3 млрд. теңге сомасына өтінімдер мақұлданды. Сонымен бірге, ББҚ фермерлер арасында лизингке сұраныстың өскенін атап өтті. Төтенше жағдай кезінде компания фермерлерді қолдау үшін бірқатар шараларды енгізді. Атап айтқанда, «Қазақстанда жасалған» жеңілдетілген бағдарламасы іске қосылды, ол фермерлерге аванстық төлемдерсіз, комиссиясыз және кепілдік төлемсіз 10 жыл мерзімге 6% -бен және 1 жылға дейінгі төлеммен жабдық алуға мүмкіндік береді.

Ауыл шаруашылығын қаржылай қолдау қоры сонымен қатар «Еңбек» бағдарламасы бойынша несие алу бойынша өтінімдерді қарау мерзімін 11 күннен 4 күнге дейін қысқартты. Биылғы жылы ауыл бизнесі шамамен 42 миллиард теңгеге қаржыландырылады.