Бәйтерек пен ҚазАгро компанияларды біріктіру туралы келісімге қол қойды

«Бәйтерек» және «ҚазАгро» холдингтерінің басшылары Айдар Арифханов және Ербол Қарашукеев актіге және компанияларды біріктіру туралы келісімге қол қойды. Аталған шара ағымдағы жылдың 15 наурызында өткізу жоспарланған. Бұл туралы «Бәйтерек» компаниясының баспасөз қызметі хабарлады.

«Холдингтің алдында үлкен міндеттер тұр. Біздің холдинг айналысатын мемлекеттік бағдарламалар саны артып келеді. Біріншіден, бұл агроөнеркәсіптік кешенді дамытудың мемлекеттік бағдарламасы. Біздің міндетіміз –екі мекеменің бірігу процесін мүмкіндігінше дұрыс, қолайлы ету, ал аграршыларға кедергі келтірілмеуі тиіс. ҚазАгро алдында тұрған басты міндет осы, соның ішінде көктемгі егіс жұмыстарын, мал шаруашылығын қолдау, өсімдік шаруашылығы және басқалары бізге жүктелген және назардан тыс қалмайды. Біз тиімді және сапалы жұмыс үшін бар күш-жігерімізді саламыз, - деді Айдар Арифханов.

Тақырыпқа байланысты оқу: Бәйтерек пен ҚазАгроның бірігуі сәуір айында аяқталады

Мемлекет басшысының 2020 жылғы 1 қыркүйектегі Жолдауын іске асыру аясында «Бәйтерек» холдингіне «ҚазАгро» холдингі бірігеді және бірыңғай даму институтын құру бойынша шаралар жасалуда. Сонымен бірге, портфельдік компанияларды персонал санына қарай 14-тен 7-ге дейін қысқарту жоспарлануда.

Қазіргі уақытта қайта құру туралы барлық қажетті корпоративтік шешімдер қабылданды, «ҚазАгро» холдингінің активтерін түгендеу бойынша жұмыс аяқталды.