В Кызылорде открыли социальный магазин, где по фиксированным ценам буду реализовывать продукцию из Стабфонда

Қызылорда қаласының  Шанхай ықшамауданында, тағы бір әлеуметтік дүкен ашылды, онда  тұрақтандыру қорының өнімдері белгіленген бағамен сатылатын болады. Бұл туралы облыс әкімінің баспасөз қызметінен хабарлады.

Шанхай шағын ауданындағы әлеуметтік дүкен азық-түлік тапшылығын болдырмауға және аймақтағы бағаны тұрақтандыруға бағытталған 30-шы сауда нысаны болып табылады. Әлеуметтік дүкендер аймақтағы тұрақтандыру қорының өнімдерін және басқа да қажетті азық-түлік тауарларын арзандатылған бағамен сатады.

Облыстық ауыл шаруашылығы басқармасының басшысы Сейілбек Нұрымбетовтың айтуынша, жыл соңына дейін Қызылордада тағы 18 әлеуметтік дүкен және аудан  орталықтарында 14 дүкен ашылады.

Ауыл шаруашылығы департаментінің мамандары әлеуметтік маңызы бар 19 тауардың бағасына күнделікті мониторинг жүргізеді. Өткен аптада облыста сәбіз, пияз және картоп бағасының аздап көтерілгені айтылды. Ал қант, қырыққабат және жұмыртқа бағасы төмендеді. Қалған 13 тауардың бағасында ешқандай өзгеріс жоқ.

Сәуір-мамыр айларында қажеттілікке сәйкес 563 тонна ұн сатып алынды. Сонымен қатар, 1 209 тонна ұн мен 700 тонна астық сатып алуға қосымша өтінімдер берілді.