Жандар Омаров АНК Басқарма құрамынан шығарылды

Бұрын Аграрлық несие корпорациясы Басқарма төрағасының орынбасары қызметін атқарған Жандар Омаров АНК Басқарма құрамынан шығарылды. Бұл туралы корпорацияның Қазақстан қор биржасының (KASE) сайтындағы хабарламасында айтылған.

Басқарма құрамындағы өзгерістер директорлар кеңесінің 2022 жылғы 29 желтоқсандағы шешімімен қабылданды. АНК басқармасына енгізілген өзгерісті ескере отырып, төрт адам кіреді: Басқарма төрағасы Алмат Әшірбеков және басқарма төрағасының орынбасарлары Қайрат Сапулатов, Руслан Төлегенов және Марлен Нәбиев.

Естеріңізге сала кетейік: Жандар Омаров бұған дейін Ауыл шаруашылығын қаржылай қолдау қорын басқарған болатын. 2021 жылдың соңында Қор Аграрлық несие корпорациясына қосылды.