Абай облысында 100 млрд теңгеге АӨК жобалары іске асырылуда

Үкімет Абай облысының 2023-2027 жылдарға арналған әлеуметтік-экономикалық дамуының кешенді жоспарының жобасын әзірледі. Агроөнеркәсіптік кешенде 100 млрд теңгеден астам жобаларды іске асыру жоспарлануда. Бұл туралы үкімет отырысында Абай облысының әкімі Нұрлан Уранхаев мәлімдеді.

"АӨК дамыту мақсатында 100,3 млрд теңгеге 13 жоба іске асырылатын болады. Мысалы: ет өңдеу комбинатын, суару жүйелерін, сүт-тауар фермаларын салу. Нәтижесінде өңірдегі ауыл шаруашылығының жалпы өнімінің көлемі 2028 жылға қарай 1,5 есеге өседі", - деді Нұрлан Уранхаев.

Ол 2028 жылға қарай облыс экономикасына шамамен 1,3 трлн теңге инвестиция тартылатынын, өнеркәсіп өнімін өндіру көлемі 1,5 есе өсіммен 1,4 трлн теңгеге жететінін атап өтті.

Ұлттық экономика министрі Әлібек Қуантыров атап өткендей, 2023-2027 жылдарға арналған инвестициялардың жалпы көлемі 1,9 трлн теңгені құрайды, оның ішінде республикалық бюджет есебінен 515 млрд теңге, жергілікті бюджет – 110 млрд теңге, жеке инвестициялар – 1,3 трлн теңге.

Тақырып бойынша оқу: Жаңа ет комбинаты Семейде 2025 жылы іске қосылады

Ұлттық экономика министрі агроөнеркәсіптік кешенді дамыту мақсатында суару жүйелерінің жабдықтарын сатып алу және инфрақұрылым салу, ет және ет өнімдерін қайта өңдеу комбинатын, 2 сүт-тауар фермасын және 2 бордақылау алаңын салу жоспарланып отырғанын хабарлады.

Бұдан басқа, өңір әкімінің айтуынша, халықаралық көлік дәліздерінің байланыстырушы буындарын ашу және облыстың транзиттік-көліктік инфрақұрылымын дамыту үшін КЖЖ-на "Аягөз-Бақты-Қытай шекарасы" учаскесінде теміржол салу, құрғақ порт пен логистикалық парк құру, Ертіс өзені арқылы өтетін автокөлік-жегін көлік көпірін, Семей қаласында аспалы көпірді қайта жаңарту, 2 мың шақырымға жуық автожол жөндеу жұмыстары сияқты 9 іс-шара енгізілген.