Жамбыл облысында фермерлердің өнімдерін тікелей сатып алатын кәсіпорындар анықталды

Жамбыл облысында фермерлердің өнімдерін 50 сауда орны, КСО және 21 қайта өңдеу кәсіпорны тікелей сатып алады. Бұл туралы премьер-министр Асқар Маминнің осы өңірге жасаған сапарынан кейін ҚР Премьер-Министрінің баспасөз қызметінде хабарлады.

«Мемлекет басшысының тапсырмасы бойынша, Жамбыл облысында ауылдағы ауылшаруашылық өнімдерінің импортын азайтуға, бағаны тұрақтандыруға және отандық тауар өндірушілерді қолдауға бағытталған кооперативтік тізбекті дамыту мақсатында «Алқаптан дүкен сөресіне дейін» жобасы жүзеге асырылуда. Азық-түлік тауарларын тұрақты түрде сатып алуды қамтамасыз етуге 50 сауда орны мен көтерме сауда орталығы, 21 қайта өңдеу кәсіпорны, 45 шаруа қожалығы және 10 кооператив қатысады», - деді баспасөз қызметі.

Сонымен қатар, облыстағы ауыл тұрғындарының кірісін арттыру бойынша пилоттық жоба жүзеге асырылуда. Қазіргі уақытта 2478 өтінім қаржыландырылып, 7,2 млрд. теңге бөлінді. Жоба облыстың 11 ауылдық округіндегі 7856 үй шаруашылығын қамтыды.

Жалпы, үстіміздегі жылдың 5 айында Жамбыл облысының экономикасы тұрақты түрде п жатқандығын байқауға болады. Атап айтқанда, ауылшаруашылығы және мал шаруашылығы өткен жылдың осы кезеңімен салыстырғанда 2,9% -ға өсті.

Бұған дейін хабарланғандай, Қазақстанда азық-түлік қауіпсіздігін қамтамасыз мақсатында ұлттық тарату желісі құрылып, көтерме сауда орталығының (КСО) кешені салынады деп хабарланған болатын. 2022 жылға қарай шамамен 4,8 млн. тонна ауылшаруашылық өнімдерін сақтау, өңдеу және тарату үшін 24 КСО салынады деп жоспарлануда. КСО енгізудің бірінші кезеңінде үкімет ашық баға мен жаңа тиімді тәсілдердің арқасында ауылшаруашылық өнімдерінің бағасын 25% -ға төмендейді деп күтуде.