Ақмола облысында АӨК субсидиялауға 45,6 млрд теңге бағытталады

Ақмола облысында 2023 жылы субсидиялау түріндегі АӨК саласын мемлекеттік қолдау көлемі 45,6 млрд теңгені құрайды. Бұл туралы ElDala.kz өңір әкімдігінің баспасөз қызметіне сілтеме жасай отырып хабарлайды.

Оның ішінде:

• өсімдік шаруашылығын субсидиялауға 12,9 млрд теңге (пестицидтер - 9 103,7 млн теңге, тыңайтқыштар - 3 171,4 млн теңге, тұқымдар - 617,5 млн теңге) бағытталады;
• мал шаруашылығын субсидиялауға 5 млрд теңге бөлінді;
• инвестициялық салымдарға, қайта өңдеуді субсидиялауға, қарыздарды кепілдендіруге және сақтандыруға -17,7 млрд теңге (инвестициялық субсидиялауға - 16 627,7 млн теңге, қайта өңдеуші кәсіпорындардың шығындарын субсидиялауға - 1025,9 млн теңге, қарыздарды кепілдендіру және сақтандыру шеңберінде субсидиялауға - 83,5 млн теңге);
• несиелер мен лизинг бойынша сыйақы мөлшерлемесін өтеуге -10 млрд теңге.

Облыс шаруашылықтарының барлық санаттарындағы ІҚМ басының жалпы саны 2023 жылғы 1 ақпандағы жағдай бойынша 479,3 мың басты (2022 жылғы ұқсас кезеңге қарағанда 0,2% - ға өсім), оның ішінде сиыр басы -228,5 мың басты (0,6% - ға өсім) құрайды. Жылқылардың саны 248 мың басты (өсім 8,7% - ға), құстар-9 857,7 мың басты (өсім 5,9% - ға) құрады. Қой мен ешкі саны 622,4 мың басты (өсім 4,5% - ға), шошқа -79,3 мың басты (15,9% - ға төмендеу) құрады.

Облыста тірі салмақтағы ет 16,4 мың тонна (6,9% - ға өсім), сүт - 16,2 мың тонна (1,5% - ға өсім), тауық жұмыртқасы -54,1 млн дана (9,4% - ға төмендеу) өндірілді.

Әкімдікте хабарлағандай, ағымдағы жылы жалпы сомасы 48 млрд теңгеге 47 инвестициялық жобаны іске асыру жоспарлануда.

Олардың ішінде: 4,1 млрд теңге сомасына астық қоймаларын салу бойынша 10 жоба, 9,2 млрд теңге сомасына МТФ құру бойынша 11 жоба, жалпы сомасы 0,7 млрд теңгеге ет фермаларын құру бойынша 5 жоба, жалпы сомасы 5,2 млрд теңгеге ауыл шаруашылығы өнімдерін қайта өңдеу бойынша 9 жоба, жалпы сомасы 19,5 млрд теңгеге құс фабрикаларын салу бойынша 4 жоба, жалпы сомасы 5,5 млрд теңгеге суару бойынша 5 жоба, жалпы сомасы 3,5 млрд теңгеге көкөністерді сақтау объектілері бойынша 2 жоба және 0,3 млрд теңгеге бордақылау алаңын салу бойынша 1 жоба.