Қазақстан 2019 жылы $3,3 млрд ауыл шаруашылық өнімдерін экспорттады

2019 жылы Қазақстанның ауыл шаруашылық экспорты 6,4% -ға өсіп, 3,3 млрд долларды құрады, деп мәлімдеді бүгін Үкімет отырысында Ауыл шаруашылығы министрі Сапархан Омаров.

C.Омаровтың хабарлауынша, шошқа етіне, жүнге, сүт өнімдеріне қойылатын ветеринарлық талаптар және зығыр тұқымдарына, бидай ұны мен мал азығына қойылатын фитосанитарлық талаптар өткен жылы Қытаймен келісілді.

Бірнеше жыл бұрын ҚХР енгізген аусыл ауруы мен түйін дерматитіне қатысты шектеулер алынып тасталды, бұл  Қазақстандық ет өнімдерінің Қытай нарығына шығуына жол ашты.

Сонымен бірге, Қазақстаннан Иранға сойылып сатылатын сиыр етіне, ұсақ мүйізді малға, ірі қара малға және жеуге болатын жұмыртқаға, тірі малды экспорттауға ветеринарлық талаптар келісілді.

 Жапонияға жылқы етін экспорттауға ветеринарлық сертификат алындыі.

«Аталған жұмыстардың нәтижесінде, өткен жылы қазақстандық ауылшаруашылық өнімдерінің экспорты Қытайға 50,5% (жалпы экспорт 388 млн долларды құрады), Парсы шығанағы елдеріне - Катар, Кувейт, БАӘ, КСА, Оман, Бахрейнге 3,2 есе артты ( 11,5 млн. доллар), Орталық Азия елдеріне - Өзбекстан, Ауғанстан, Тәжікстан, Қырғызстан, Түркіменстан - 7,4% -ға (1559 млн. доллар), ЕАЭО елдеріне - 8,2% -ға (598 млн. доллар) артты.

Ауыл шаруашылығы министрлігінің басшысы Қазақстанда жүргізіліп жатқан фитосанитариялық бақылау туралы да мәлімдеді.

«Заңнамалық тұрғыда  «орталық-облыс-аудан» қағидаты бойынша ветеринарлық бақылау қалпына келтірілді, бұл бізге бақыланатын өнімдердің қозғалысын қадағалауды күшейтуге және өнімнің «алқаптан дүкен сөресіне дейін жеткізу» жобасын жүзеге асыруға мүмкіндік береді», - деді Сапархан Омаров.

Сонымен қатар, өткен жылы  қазақстан-ресей шекарасында жаңадан 28 ветеринарлық бақылау бекеті, 4-қазақ-қырғыз шекарасында ветеринарлық бақылау пункттері енгізілді. Бұл шара бізге Қазақстан аумағына жануарлардың аса қауіпті ауруларының пайда болуынан және таралуынан  сақтайды. Сондай-ақ мал шаруашылығы өнімдерінің ветеринариялық-санитариялық тұрғыдан қауыпті импортынан қорғауға мүмкіндік береді.