2023 жылы Қазақстанда 891 мың га ауыл шаруашылығы жерлері мемлекеттік меншікке қайтарылды

Биыл мемлекетке 891,7 мың га бос тұрған ауыл шаруашылығы алқаптары қайтарылды. Осы жылдың басынан бастап АШМ Жер ресурстарын басқару комитетінің республика бойынша аумақтық бөлімшелері жер пайдаланушыларға қатысты 486 мың га алаңда жоспардан тыс 381 тексеруді тіркеді, олардың нәтижелері бойынша 304,7 мың га алаңда 152 нұсқама енгізілді. Бұл туралы ElDala.kz Ауыл шаруашылығы министрлігінің баспасөз қызметіне сілтеме жасай отырып хабарлайды.

Бұдан басқа, әкімдіктерге қатысты 65 тексеру жүргізілді, ауыл шаруашылығы мақсатындағы жер учаскелерін беру туралы 117 заңсыз шешім анықталды. Жергілікті атқарушы органдардың атына жер заңнамасын бұзушылықтарды жою туралы 54 ұйғарым берілді.

"Жұмыс қарқынмен жалғасуда. Екі жыл ішінде қайтаруға жататын 10 млн гектардың жалпы сомасы 6,3 млн гектары мемлекеттік меншікке өтті. Бұл ретте мемлекетке қайтарылған ауыл шаруашылығы жерлері тұрғындарды кейіннен қоғамдық жайылымдармен оңтайлы қамтамасыз ету үшін аудандар резервіне қойылатынын атап өтеміз", - деп нақтылады ведомстводан.

Жоғарыда аталған жер учаскелері халықты жалпы пайдаланымдағы жерлермен толық қамтамасыз еткеннен кейін ғана конкурсқа шығарылатын болады.

Бұған дейін ҚР Ауыл шаруашылығы министрі ағымдағы жылы қосымша 5 млн га ауыл шаруашылығы жерін мемлекеттік меншікке қайтару жоспарланып отырғанын айтқан болатын. Бұл ретте аталған жерлер бірінші кезекте ауыл халқының мал жаю жөніндегі мұқтажын қанағаттандыру үшін бөлінетін болады.