Қазақстанда агросекторды исламдық қаржыландыруды іске қосу жоспарлануда

Ауыл шаруашылығын қолдаудың исламдық қаржы құралдарының мүмкіндіктері ҚР Сыртқы істер министрлігімен бірлесіп, азық-түлік қауіпсіздігі жөніндегі Ислам ұйымы (IOFS) ұйымдастырған Астанадағы семинарда қаралды. Қатысушылар салаға инвестиция салу кезінде сукуктың қолданылуын талқылады. Бұл туралы ҚР Ауыл шаруашылығы министрлігінің баспасөз қызметі хабарлады.

Ауыл шаруашылығы министрі Ербол Қарашөкеев мұсылман елдері арасында ғана емес, әлемдегі исламдық қаржылық қатынастарға қызығушылық артып келе жатқанын атап өтті. Қазақстан үшін осы перспективалы нарыққа шығу ауыл шаруашылығы саласына қаржы ағындарын кеңейту үшін қосымша мүмкіндіктер ашады.         

АШМ басшысының пікірінше, Қазақстанда исламдық қаржы құралдарын зерделеу және практикалық қолдану бойынша күш-жігерді жандандыру қажет, олардың ішінде сукук капитал тарту мен инвестициялық қызметті қаржыландырудың аса маңызды құралдарының бірін алады. 

Тақырып бойынша оқу: Ауыл шаруашылығы министрлігі АӨК жобаларын несиелеу ережелерін әзірледі

АШМ есептеулері бойынша таяу болашақта АӨК негізгі капиталына инвестициялар көлемі төрт есеге, 3,2 трлн теңгеге дейін өсуі мүмкін. Осы мақсаттарға қол жеткізуде отандық жеке сектордың әлеуетін ашу үшін тікелей шетелдік инвестициялар маңызды рөл атқарады.

Ербол Қарашөкеев АШМ IOFS-тің барлық маңызды бастамаларына қолдау көрсетуге дайын екендігіне сендірді.