Жер-кадастрлық карталарға түзетулер енгізуді Ауыл шаруашылығы министрлігі реттейді
Қазақстан Ауыл шаруашылығы министрлігі электрондық жер-кадастрлық карталарды жасау бойынша нормативтік-құқықтық актілерге өзгерістер енгізу туралы бұйрықтың жобасын әзірледі. Түзетулер жер қатынастары саласындағы мемлекеттік қызметтерді цифрландыру мәселелері жөніндегі заңды іске асыру шеңберінде енгізіледі. Бұл туралы Ауыл шаруашылығы министрлігінің баспасөз қызметі хабарлады.
"Құжатта жер учаскелері шекараларының орналасқан жері топологиялық қателері бар жер-кадастрлық құжаттама негізінде" жылжымайтын мүліктің бірыңғай мемлекеттік кадастры" АЖ дерекқорына енгізілген координаттарға сәйкес келмеген жағдайда, жер-кадастрлық құжаттамаға тиісті өзгерістер енгізілген жағдайда түзетуге жол берілетіні көзделеді", - деп хабарлады АШМ.
Ведомство топологиялық қателерді жою мүмкін болмаған жағдайда қиылысатын жер учаскелерінің шекаралары бойынша дауды шешу заңнамалық тәртіппен қаралатынын түсіндірді.
Өзгерістер енгізу Қазақстан Республикасының заңнамасында белгіленген тәртіппен ресімделмеген жер учаскесінің, жер учаскелерінің шекараларының координаттарының жоқ бөлігінде көзделеді.
Бұйрық жобасымен толығырақ Ашық НҚА порталында танысуға болады.