Қазақстанда 10 млн ауыл шаруашылығы жері қайтарылды

ҚР-да екі жыл ішінде пайдаланылмаған және ауыл шаруашылығы жерлерін бұза отырып берілген 10 млн га мемлекеттік меншікке қайтарылды. Бұл жұмыс Мемлекет басшысының тапсырмасы бойынша жүргізілді, деп хабарлады ҚР Премьер-Министрінің баспасөз қызметі.

Үкіметтің мәліметінше, тапсырманы орындау үшін арнайы мемлекеттік комиссия құрылған. Оның құрамына құқық қорғау органдарының, министрліктер мен әкімдіктердің өкілдері кірді.

«Жүргізілген жұмыстың нәтижесінде пайдаланылмаған және ауыл шаруашылығы жерлерін бұза отырып берілген 10 млн гектар жер мемлекет меншігіне қайтарылды. Бұл ретте жайылымдардың жетіспеушілігі мәселесінің өзектілігін ескере отырып, қайтарылған жерлер тиісті елді мекендерге бекіту жолымен аграрлардың қажеттіліктеріне басым тәртіппен жіберіледі», - деп хабарлады баспасөз қызметі.

Қайтарылатын жерлерді қайта бөлу мониторингін AMANAT партиясының қамқорлығымен «Жер аманаты» комиссиясы жүргізеді.

Тақырып бойынша оқу: Отбасы банк фермерлердің тұрғын үй құрылысына несие береді

Халық арасында жерді одан әрі бөлу ҚР Үкіметінің ерекше бақылауында болады.