ҚазҰАЗУ-де 43 млн теңгеден астам жымқыру анықталды

Қазақ ұлттық аграрлық зерттеу университетінің тексеру нәтижелері бойынша жалған тұқым себу және себу орындарын өңдеу арқылы бюджет қаражатын жымқыру фактілері анықталды. Бұл туралы Алматы қаласының прокуратурасы хабарлады.

«Келтірілген залал 43,8 млн теңгені құрайды, тергеуді Алматы қаласы прокуратурасының сотқа дейінгі тергеп-тексеру басқармасы жүргізеді», - деп хабарлады ведомстводан.

Сонымен қатар, прокуратура университетке тиесілі коммерциялық үй-жайларды жалға беру кезінде 7,9 млн теңгеге алаяқтық фактілерін анықтады.

«Сотқа дейінгі тергеу Медеу ауданының полиция басқармасына тапсырылды», - деп атап өтті прокуратурада.