2023 жылы Қазақстанда ауыл шаруашылығы өндірісі 7,7%-ға төмендеді

Қазақстанда 2023 жылғы қаңтар-желтоқсанда ауыл шаруашылығы өнімінің өндірісі 8 трлн 732,1 млрд теңгені құрады, бұл 2022 жылғы ұқсас кезеңдегі көрсеткіштен 7,7%-ға аз. Бұл туралы Ұлттық статистика бюросының баспасөз қызметіне сілтеме жасай отырып, ElDala.kz хабарлайды.

Есепті кезеңде өсімдік шаруашылығы өнімі өндірісінің төмендеуі байқалды. Естеріңізге сала кетейік, өткен жылы фермерлер егін жинау жұмыстары кезінде құрғақшылық пен жауын-шашынның көп түсуіне байланысты қиындықтырға тап болды. Бұл егін жинау жұмыстарының қарқыны мен астық сапасына әсер етті.

Тақырып бойынша оқу: Қазақстан 16,6 млн тонна астық жинады

Статведомствоның мәліметінше, 2023 жылғы қаңтар-желтоқсанда өсімдік шаруашылығы өнімінің жалпы шығарылымы 14,6%-ға төмендеп, 4 трлн 361 млрд теңгені құрады. Мал шаруашылығы өнімін шығару 4 трлн 319,7 млрд теңгені (өсім 3,3%-ға), ауыл шаруашылығы саласындағы қызметтер - 11,5 млрд теңгені, аңшылық шаруашылығындағы өнім (қызмет) көлемі - 1,5 млрд теңгені, орман шаруашылығында - 19,3 млрд теңгені, балық аулау мен аквамәдениетте - 19,1 млрд теңгені құрады.

Бір жыл ішінде Қазақстанда тірі салмақта 2265,5 мың тонна мал мен құс сойылды (өсім 4,6%-ға), 6503,2 мың тонна (өсім 2,9%-ға) сиыр сүті сауылды, 4919,9 млн дана тауық жұмыртқасы өндірілді (2,2%-ға төмендеді).