Қазақстанның премьер-министрі лауазымына Олжас Бектеновтың кандидатурасы ұсынылды

Премьер-министр лауазымына Amanat партиясының атынан мемлекет басшысына Олжас Бектеновтың кандидатурасы ұсынылды. Бұл туралы Ақорданың баспасөз қызметі хабарлады.

«Президент Қасым-Жомарт Тоқаевқа Парламент Мәжілісінің төрағасы, Amanat партиясының төрағасы Ерлан Қошанов Amanat саяси партиясының атынан Олжас Бектеновтың Қазақстан Республикасының премьер-министрі лауазымына кандидатурасын ұсынды», - деп хабарлады баспасөз қызметі.

Олжас Бектенов қазіргі уақытта ҚР Президенті Әкімшілігінің Басшысы болып табылады.

Қолданыстағы заңнамаға сәйкес мемлекет басшысы ұсынылған кандидатураны Мәжілістегі партиялар фракцияларының басшыларымен талқылайды. Акорданың мәліметінше, Президенттің қатысуымен палатаның пленарлық отырысы бүгін сағат 15:00-де өтеді.

Естеріңізге сала кетейік, Қазақстан Үкіметі 5 ақпанда отставкаға кетті. Жаңа премьер-министр тағайындалғанға дейін Үкімет басшысының міндеттері уақытша Роман Склярға жүктелген.