Kusto Group су тасқынынан зардап шеккендерге қосымша 1,5 млрд теңге бөледі

Kusto Group зардап шеккен қазақстандықтарға көмек көрсетуге 1,5 млрд теңге көлемінде қосымша қаражат бөлінгені туралы хабарлады.

«Су тасқынынан келтірілген залалдың бұрын-соңды болмаған ауқымын және Қазақстан Республикасының Президенті Қ.К. Тоқаевтың бизнес-қоғамдастыққа көмек көрсету туралы үндеуін ескере отырып, біз су тасқынынан зардап шеккендерге шығындарды қалпына келтіруге қосымша қаражат бөлетіндігімізді жариялаймыз», — деді Kusto Group негізін қалаушы Еркін Тәтішев.

Бұған дейін Kusto Group су тасқынынан зардап шеккендерге көмекке 400 млн теңге жолдаған болатын.

Kusto Group — ауыл шаруашылығын қоса алғанда, бірнеше салаларда жұмыс істейтін әртараптандырылған инвестициялық-өнеркәсіптік холдингтік компания. Холдингтің аграрлық бөлімшесіне, атап айтқанда, Қазақстандағы ірі мәрмәр сиыр етін өндіруші KazBeef компаниясы кіреді.