Дархан Әбдікәрімов АӨК мемлекеттік инспекция комитетін басқарды
Дархан Әбдікәрімов ҚР АШМ агроөнеркәсіптік кешендегі мемлекеттік инспекция комитетінің төрағасы болып тағайындалды. Бұл туралы Ауыл шаруашылығы министрлігінің баспасөз қызметі хабарлады.
Дархан Әбдікәрімов 1969 жылы Қостанайда дүниеге келген. 1994 жылы Қостанай ауыл шаруашылығы институтын «Агрономия» мамандығы бойынша, 2016 жылы - М. Дулатов атындағы Қостанай инженерлік-экономикалық университетін «Экономика» мамандығы бойынша бітірген.
Әр жылдары Республикалық фитосанитариялық диагностика және болжамдар әдістемелік орталығының Науырзым аудандық филиалының директоры, Қостанай облыстық аумақтық инспекциясының өсімдіктерді қорғау мемлекеттік инспекциясының бөлімін басқарды.
2014-2017 жылдары АӨК мемлекеттік инспекция комитетінің Қостанай облыстық аумақтық инспекциясы басшысының орынбасары болды.
2017-2018 жылдары - Қостанай облысы әкімдігінің ауыл шаруашылығы басқармасының басшысы.
2021-2024 жылдары АӨК мемлекеттік инспекция комитетінің Қостанай облыстық аумақтық инспекциясын басқарды.
Тағайындалғанға дейін ҚР АШМ агроөнеркәсіптік кешеніндегі мемлекеттік инспекция комитеті төрағасының орынбасары қызметін атқарды.