Астанада Aqmola Invest инвестиция тарту орталығы іске қосылды

Астанада жобаның идеясынан бастап оны пайдалануға беруге дейін инвесторларды кешенді сүйемелдеу үшін Aqmola Invest орталығы ашылды. Орталық алаңында пилоттық режимде 23 кездесу өткізілді, оның ішінде 13-і шетелдік қатысумен. Бұл туралы Ақмола облысы әкімінің баспасөз қызметі хабарлады.

Ресми ашылу күні Орталық алаңында жалпы сомасы 76 млрд теңгеге ынтымақтастық және инвестициялық жобаларды іске асыру туралы бірқатар келісімдерге қол қойылды. Атап айтқанда, венгриялық Globalia Ltd компаниясы Аршалы ауданында көміртекті егіншілік негізінде ауыл шаруашылығы технологиялық паркін құруға ниетті.

Сонымен қатар, Ақмола облысында ҚТҚ өңдеу зауыттарын салуға қытайлық Beijing Ruiheyuan Construction Engineering Co.Ltd компаниясы инвестиция салады. ZhasTol-Stroy кәсіпорны автоклавты газдалған бетон шығаратын зауыт салуды жоспарлап отыр.

Осы инвестициялық жобаларды іске асыру қосымша жұмыс орындарын құруға және облыс бюджетін айтарлықтай толықтыруға мүмкіндік береді. Сондай-ақ Аршалы ауданында республикалық маңызы бар Aqmola индустриялық аймағы құрылды, ол озық өндірістік алаңға айналады.

«Aqmola Invest құру Ақмола облысының экономикалық әлеуетін нығайту жолындағы маңызды қадам болып табылады. Инвесторлармен өзара іс-қимыл және мемлекеттік қызметтерді алу «бір терезе» қағидаты бойынша жүзеге асырылатын болады. Бұл өңірдің қолайлы инвестициялық имиджінің одан әрі қалыптасуына әкеледі», – деп атап өтті Ақмола облысының әкімі Марат Ахметжанов.