Азық-түлік өндіретін 35 компания экспортқа өнім шығаратын бағдарламаға қатысатын болады

 2020 жылға арналған «Экспорттық акселератор» бағдарламасына қазақстандық компанияларды іріктеп алу қорытындылары шығарылды. Бағдарламаға қатысуға 97 компания өтінім берді, олардың 74-і жұмыс істеп тұрған экспорттаушылар болып табылады. Компанияларды бағалағаннан кейін халықаралық сарапшылар олардың 35-ін аталған бағдарламаның келесі кезеңдеріне қатысуға ұсынды. Бұл туралы сауда және интеграция министрлігінің баспасөз қызметі хабарлады.

«Бұл компаниялардың арасында экспорт саласына жаңадан келгендер де бар (2 компания өз өнімдерін ешқашан шетелге сатпаған), сондай-ақ бұрын бір реттік жеткізуді жүзеге асырған компаниялар да бар. Олардың барлығы шетелдің нарығында ұзақ мерзім өнімдерін сатады деген ойдамыз», - деп хабарлады Сауда және интеграция министрі Бақыт Сұлтанов бағдарлама аясындағы алғашқы оқыту вебинарында.

Сауда министрлігінде атап өткендей, биылғы жылы акселератор жұмысының нәтижелері бойынша қытайлық сатып алушылармен экспорттық келісім-шарттар жасай алатын тамақ өнеркәсібі компанияларын шығару туралы шешім қабылданды. Б.Сұлтановтың айтуынша, Қытай сияқты ірі нарықты игеру ведомствоның басты жоспарларының бірі болып табылады.

«Қытай нарығының ауқымына қарамастан, оған қол жеткізу шектеулі. Нарықтың ерекшеліктеріне байланысты бұл экспорттық процедура ұзақ (шамамен 90 күн) жасалады. Қандай керемет және пайдалы өнім болса да, тиісті жарнамасыз және орамасыз, өкінішке орай, оны сату мүмкін емес. Бағдарламаның міндеті өндірушілерді бастапқыда өз өндірісін сыртқы нарықтарға бағыттап жасауға үйрету. Мысалы, егер өнімді Қытайға сатқыңыз келсе, алдымен Қытай техникалық регламенттерінің барлық талаптары мен маркетингтік ерекшеліктеріне сәйкес келетін етіп жасап шығару қажет. Бұл мәселелерді біз жобаны іске асыру аясында шешетін боламыз», - деді сауда министрлігінің басшысы.

QazTrade сауда саясатын дамыту орталығының бас директоры Арман Абенов ҚР-дың тауарлары жоғары сапалы болғандықтан Қытайда сұранысқа ие екенін, бірақ бірқатар себептерге байланысты қазақстандық өндірушілер Қытай дүкендерінің сөрелерінде жеткілікті дәрежеде ұсынылмағанын хабарлады. Бағдарламаның міндеті - біздің тауарларымыздың қытай нарығында ұзақ мерзім болуын қамтамасыз ету.

Қыркүйек-қараша айларына жоспарланған екінші кезең бойынша Qaztrade Pricewaterhouse Coopers компаниясының халықаралық сарапшыларымен бірлесіп, әрбір қатысушы үшін егжей-тегжейлі жұмыс жүргізілетін болады. Онда экспорттаушы компанияның күшті және әлсіз жақтарын талдау көрсетіледі, әлеует деңгейі (экспорттық нарық үшін бәсекелестік ерекшелік, өнім, Қытайға экспорттың дайындық дәрежесі және т.б.) айқындалады. Профиль сондай-ақ баратын елдің техникалық регламенттерінің қазақстандық өнімге қойылатын талаптары сияқты ақпаратты қамтитын болады. Нарыққа шығудың одан әрі қадамдары бойынша ұсыныстар беріледі.

Бағдарламаның соңғы кезеңдерінің бірінде 35 компания CIIE-2020 атты Шанхайдағы 3-ші Дүниежүзілік импорттық көрмеге қатысуы болады. Көрме соңғы жылдары кәсіпорындар арасында мәмілелер жасаудың негізгі әлемдік алаңына айналды.

Сондай-ақ, Арман Абенов биылғы жылы бағдарламаға іріктеуден өте алмаған компаниялар келесі жылдары бағдарламаға қатысушылардың резервін толықтыратынын хабарлады.

QazTrade бас директорының айтуынша, бірде-бір кәсіпорын көмексіз қалмайды. Барлық компаниялармен олардың экспорттық мүмкіндіктерін бағалау және өнімді шетелдік нарықтарға жеткізуге арналған келісім-шарттарды ұйымдастыру бойынша жұмыс жүргізілетін болады.