Қой өсіруші Алмасбек Садырбай ұсталды

«Шаңырақ» қоғамдық бірлестігінің басшысы Алмасбек Садырбай субсидия алу кезінде аса ірі мөлшерде алаяқтық жасады деген күдікпен ұсталды. Тергеу деректері бойынша құрылған схема нәтижесінде 1,2 млрд теңгеден астам ұрланған. Бұл туралы Қаржы мониторингі агенттігінің баспасөз қызметінен хабарлады.

«Садырбай А. өзі басқаратын адамдар тобы Балқаш, Еңбекшіқазақ, Кеген, Райымбек және Ұйғыр аудандарында жалған ауыл шаруашылығы кооперативтерін құрды деп күдіктенеді. Негізгі мақсат  –  ұсақ малдың аналық басын ұрықтандыруға субсидияларды заңсыз алу және жемшөп шығындарын өтеу. Бұл үшін заңнамаға қайшы ауыл шаруашылығы жерлері жоқ шаруа қожалықтары тартылды», - деді ҚМА.

Ведомствоның мәліметінше, жалған кадастрлық нөмірлерді көрсете отырып, анық емес мәліметтерді қамтитын субсидиялар алуға өтінімдер қашықтан берілген. Бұл ретте ауыл шаруашылығы кооперативтері басшыларының ЭЦҚ-сы олардың білімінсіз пайдаланылды.

«А. Садырбай ұсталды. Оның сыбайласы Тергеу сотының санкциясымен үй қамауында», - деп хабарлады ҚМА.