Қазақстан CIIE 2024 көрмесінде 120 млн долларлық келісімдерге қол қойды

Қазақстан Шанхайдағы 7-ші қытайлық халықаралық импорт көрмесіне (CIIE) қатысуды сәтті аяқтап, ет және май өнімдерін, түйе сүтінің ұнтағын, шырындар мен мармеладтарды жеткізуге 120 млн доллар сомасына келісімшарттарға қол қойды. Бұл туралы Сауда министрлігінің баспасөз қызметі хабарлады.

Өткен жылы көрмеде жасалған келісімшарттардың сомасы 81 млн долларды құрады.

«Негізгі инновациялардың бірі TikTok платформасында қазақстандық өнімдерді онлайн-сатудың ашылуы болды. Қытайлық JJiangsu Soho Holding Group Co., Ltd компаниясымен серіктестікте бүкіл әлем көрермендеріне Қазақстаннан келетін тауарлардың ассортиментімен танысуға және оларды нақты уақытта сатып алуға мүмкіндік беретін стриминг жүргізілді. Онлайн-сатудың екі күнінде 450 мың юань сомасына өнім сатылды», - деп атап өтті Сауда министрлігінде.

Естеріңізге сала кетейік, іс-шара 5-10 қараша аралығында өтті. Қазақстан екі ұлттық стендпен таныстырылды: коммерциялық және ұлттық павильондарда. Ауданы 132 шаршы метр ұлттық павильонда қазақстандық экспортты ілгерілетуге ықпал ететін өнімдер мен қызметтер ұсынылды. Биыл коммерциялық павильонның ауданы 120-дан 260 шаршы метрге дейін ұлғайтылды. «Тамақ және ауыл шаруашылығы өнеркәсібі» секторына 50-ге жуық қазақстандық өндірушілер қатысты.