Қазақстанда ақпан айында инфляция 1,5%-ға дейін өсті

Қазақстандағы инфляция 2025 жылғы ақпанда 1,5%-ға дейін жеделдеді (қаңтарда 1,1% болды), бір жылда 9,4%-ға құрады (қаңтарда – 8,9%). Бұл туралы Ұлттық статистика бюросы хабарлады.

Азық-түлік тауарларының бағасы бір жылда 6,5%-ға өсті (2025 жылғы қаңтарда – 5,8%).

Өткен жылдың ақпан айымен салыстырғанда картоп бағасының 62,1%-ға, пияз – 27,3%-ға, қырыққабат – 20,2%-ға, минералды және ауыз су – 17%-ға, кондитерлік өнімдер –14,2%-ға, алкогольдік сусындар мен темекі өнімдері – 13%-ға, алкогольсіз сусындар – 12,6%-ға, өңделген және консервіленген балық – 12,5%-ға, сары май – 12,2%-ға, жеміс-көкөніс шырындары – 10,6%-ға өсуі байқалды.

Бағаның төмендеуі қарақұмық жармасы үшін 20,4%-ға, сәбіз – 6,6%-ға, күріш – 5,7%-ға, жұмыртқа – 5,3%-ға байқалды.

Өңірлік бөліністе 2025 жылғы ақпанда орташа республикалық деңгейден асатын инфляция деңгейі сегіз өңірде қалыптасты, оның ішінде ең үлкені – Астанада (12,7%), Ақмола (10,7%), Батыс Қазақстан (10,5%) облыстарында.

Жылдық инфляция деңгейіне ең көп үлесті азық-түлік және алкогольсіз сусындар (2,5 пайыздық тармақ) қосты.

Бір жыл ішінде ет пен ет өнімдерінің бағасы 6,2%-ға, жемістер мен көкөністер 9,3%-ға өсті және инфляцияға тиісінше 0,7 және 0,6 пайыздық тармаққа негізгі үлес қосты. Сүт өнімдерінің 6,1%-ға қымбаттауы жылдық инфляцияға 0,3 пайыздық тармаққа, май мен тоң майға (10,5%-ға), алкогольсіз сусындарға (9,5%-ға), нан-тоқаш өнімдері мен жармаға (2,8%-ға) - 0,2 пайыздық тармаққа үлес қосты.

Мемлекеттік ведомствода атап өткендей, бір айда азық-түлік тауарлары бағасының деңгейі 1,5%-ға өсті.