Қазақстанда әлеуметтік маңызы бар азық-түлік бағасы қайта қаралады

Сауда және интеграция министрлігі әлеуметтік маңызы бар азық-түлік тауарларының шекті деңгейін қайтадан қарастыруда. Бұл туралы ведомствоның баспасөз қызметінен хабарлады.

Сауда министрлігінің хабарлауынша, бүгінде әлеуметтік маңызы бар азық-түлік тауарларының шекті бағаларын әкімдіктер әр жыл сайын қаңтар айында бекітеді. Бағалар болжаммен қойылады және бақыланады.

Мұндай тауарларға бөлшек сауда бағаларының шекті мәндері 15% -дан асып кеткен жағдайда, сондай-ақ бөлшек сауда бағаларының шекті құны 30 күн ішінде 30%-ға  көтерілген жағдайда, жергілікті атқарушы органдар рұқсат етілген шекті бағаның мөлшерін белгілейді.

Шекті бағаларды қабылдау туралы шешімдерді жергілікті атқарушы органдар жанындағы комиссиялар қабылдайды және одан асып кетсе, әкімшілік жауапкершілікке тартылады.

«Бұл көрсеткіштерді белгілеу кезінде тауарлардың қымбаттауы, валюта бағамының өзгеруі, инфляция және басқа да макроэкономикалық көрсеткіштер ескерілмейтінді. Осыған байланысты Сауда және интеграция министрлігі әлеуметтік маңызы бар азық-түлік тауарларына баға белгілеудің механизмін өзгертуді қарастыруда», - деп хабарлады баспасөз қызметі.

Бүгінгі таңда халықаралық тәжірибені ескере отырып, осы тауарларды бақылаудың түрлі тетіктері қарастырылуда, соның ішінде бағаны реттеудің басқа да әдістері қолданылатын болады.

Осылайша, әлеуметтік маңызы бар азық-түлік тауарларының шекті бағаларын белгілеу талаптары мен әкімшілік процедураларының өзгерістері пысықталуда және 2020 жылдың соңына дейін қолданыстағы заңнаманы ескере отырып қайта қаралатын болады, деп қорытындылады Сауда министрлігі.