Қазақстанда аптап ыстық пен жаңбыр болады

Алдағы үш күнде, 12-14 маусымда Қазақстанда жауын-шашынмен ыстық ауа райы күтіледі. Бұл туралы Қазгидромет хабарлады.

«Қазақстан аумағына жылы ауа массаларының түсуі жазғы жылы ауа райын қалыптастырады. Алайда, алдыңғы жүйелер де өз ықпалын сақтайды. Күндізгі уақытта термометрлердің бағандары елдің солтүстігінде 25-33 градус, ал оңтүстігінде 30-38 градус жылуды тіркейтініне қарамастан, жел күшейіп, найзағаймен жаңбыр жауады. Кейбір аудандарда бұршақ жаууы мүмкін», - деп Қазгидромет хабарлады.

Болжам бойынша, 12 маусымда республиканың көп бөлігінде найзағай мен жаңбыр жауады, елдің солтүстік-батысында қатты жаңбыр жауады, солтүстік-батыста, орталықта бұршақ жауады. Сондай-ақ, желдің күшеюі күтілуде, оңтүстікте шаңды дауыл болады. Елдің шығысында ғана антициклон сілемінің әсерінен жауын-шашынсыз ашық ауа-райы сақталады.

Күндіз Жетісу, Абай облыстарында, Алматы, Батыс Қазақстан, Атырау облыстарында 35-38 градусқа дейін қатты ыстық күтіледі.