Шілде айында Қазақстанның 12 өңірінде құрғақшылық болады

Шілде айында құрғақшылыққа бейім аумақ ұлғаяды. Ылғалдың жетіспеушілігі Қазақстанның 12 облысының аудандарында сезілетін болады, деп Қазгидромет хабарлады.

Алдын ала есептеулер бойынша шілдеде қалыпты құрғақшылық күтілуде:

• Батыс Қазақстан облысында – Жәнібек, Сырым және Қаратөбе аудандарында;
• Атырау облысында – Махамбет, Мақат, Исатай және Қызылқоға аудандарында;
• Маңғыстау облысында – Бейнеу, Маңғыстау және Қарақия аудандарында;
• Ақтөбе облысында – Шалқар және Ойыл аудандарында;
• Қостанай облысында – Амангелді, Жангелді аудандарында;
• Қарағанды облысында – Ақтоғай, Қарқаралы және Шет аудандарында;
• Абай облысында – Аягөз, Жарма және Үржар аудандарында;
• Алматы облысында – Балқаш және Жамбыл аудандарында;
• Ұлытау, Жамбыл, Түркістан және Қызылорда облыстарының басым бөлігінде.

Қазақстанның қалған аумағында шілде айында ылғалдандыру шарттары нормаға жақын болады деп күтілуде, деп Қазгидромет хабарлады.