Қазақстанның синоптиктері нөсер жауын жауады деп болжайды

Алдағы күндері Қазақстанда ауа райы жағдайлары кең циклонның және онымен байланысты атмосфералық фронттардың ықпалымен қалыптасатын болады. Тұрақсыз ауа райы күтіледі: жаңбыр жауады, кей жерлерде найзағай ойнап, бұршақ жаууы мүмкін. Бұл туралы Қазгидромет хабарлады.

«Солтүстік, солтүстік-батыс және орталық облыстарда, оңтүстік-шығыстың таулы аймақтарында қатты жаңбыр жауып, екпінді жел соғады. Жалпы республика бойынша желдің күшеюі күтілуде, оңтүстік облыстарда - шаңды дауылмен», - деп синоптиктер хабарлады.

Солтүстік облыстарда ауа температурасы плюс 18-23°С дейін төмендейді. Қалған аумақтарда температураның айтарлықтай ауытқуы болжанбайды.