Түркістан облысы 2020 жылы 654 мың тонна ауыл шаруашылық өнімдерін экспорттады

Түркістан облысының фермерлері жыл басынан бері 235,5 млрд теңгенің өнімін өндірді6 бұл көрсеткіш өткен жылмен салыстырғанда 1,7%-ға артық. Аграршылар 654 мың тонна өнімді 70 миллион долларға экспорттады, деп хабарлады облыс әкімінің баспасөз қызметі.

Облыс әкімі Өмірзақ Шөкеев мәслихаттың кезекті сессиясында мәлімдегендей, Түркістан облысы республикада ірі қара мал етін экспорттауда бірінші орында тұр.

Сонымен қатар, облыста ауыл шаруашылық дақылдары 17 мың гектар егіс алқабында өсіріліп, 846,1 мың гектарға жетті. Ал жүзім алқаптарының көлемі 3,7 мың гектарға жеткізіліп, 100 мың тонна жүзім жиналды. Тамшылатып суару жүйесі 2,4 мың гектарға орнатылып, 20 мың гектар аумақ суарылды. Тамшылатып суару жүйесінің тиімділігі арқылы фермерлер өнімін арттыра алды.

Әкімдік өңірдегі инвестициялық субсидиялау бағдарламасының тиімділігін атап өтті. Егер 2019 жылы мемлекет 1 524 жобаны қолдаса, онда осы жылдың 7 айында 6 миллиард теңгенің 1433 жобасы қолдау тапты. Өңірде ауыл шаруашылығы саласындағы үш басым бағыт жүзеге асырылуда. Жергілікті шаруа қожалықтарын дамытуға ерекше көңіл бөлінеді.

Азық-түлік белдеуін ұйымдастыру жобасы бойынша 31,7 млрд.теңгеге 7 инвестициялық жоба жүзеге асырылуда. Болашақта 1458 шаруа қожалықтарын 9 кооперативке біріктіру арқылы 11 мың гектар жерге суару қондырғыларын орнату жоспарланып отыр, деп хабарлады баспасөз қызметі.