Қазақстанның жүк транзитінен түсетін табысы мұнай табысымен бірдей болады - Сауранбаев

Қазақстанда көлік қызметтерінің көлемі жыл басынан бері 20%-ға өсті және көлік саласы қазіргі уақытта экономиканың драйвері болып табылады. Инфрақұрылымға қазіргі ауқымды инвестициялар келешекте Қазақстанға жүк транзиті көлемі бойынша Үздік-10 елдің қатарына кіруге көмектеседі. Бұл туралы брифингте көлік министрі Нұрлан Сауранбаев мәлімдеді.

Көлік министрлігінің басшысы қолайлы географиялық орналасу бұрын Жібек жолынан ақша табуға көмектескенін атап өтті. Қазір құрылып жатқан инфрақұрылым жақын болашақта табыс әкеліп қана қоймай, болашақ ұрпақ үшін мұраға айналады.

«Біз әлемдік ауқымдағы транзиттен, яғни Үздік-10 ел деңгейінде кіріс алатын боламыз. Келешекте Қазақстандағы транзиттен түсетін табыс деңгейі мұнай кірістерімен сәйкес келетін болады. Сондықтан, қазір автомобиль жолдарын, теміржолдарды және авиацияны дамытуға салынып жатқан қаражат ертең үлкен кіріс әкеледі», - деп атап өтті Нұрлан Сауранбаев.

Атап айтқанда, ол Достық-Мойынты екінші теміржол жолдарының құрылысын атап өтті, оған 534 млрд теңге көлемінде несие бөлінді. Есептеулер бойынша, бұл қаражатты ҚТЖ 20 жыл ішінде қайтаруы тиіс, бұл ретте ұлттық компания өзі жолдарды пайдаланудан табыс табады, сондай-ақ экономикаға тау-кен және басқа да өнімдерді экспорттау мүмкіндігі есебінен 4 трлн теңге түседі.

«Бес жыл ішінде теміржолдағы құрылыс көлемі бізде Тәуелсіздіктің алдыңғы жылдарына қарағанда көбірек болады. Автожолдар құрылысының көлемі де жоғары», - деп атап өтті Көлік министрлігінің басшысы.