Ресейден Қазақстанға қарақұмық жеткізілімі 26 есе өсті

2026 жылдың қаңтар-шілде айларында Ресей Қазақстанға шамамен 11,8 мың тонна қарақұмық жеткізді. Оның жалпы құны шамамен 2,3 млн доллар болды. Өткен жылдың сәйкес кезеңімен салыстырғанда экспорт көлемі заттай көрсеткіште 18 есе, ал құндық мәнде 26 есе өсті. Бұл туралы «Агроэкспорт» хабарлады.

Жеті айдағы жеткізілім көлемі бақылау жүргізілген бүкіл кезеңдегі кез келген толық күнтізбелік жылдың көрсеткішінен асып түсті. Бұған дейінгі ең жоғары көрсеткіш 2022 жылы тіркелген. Сол кезде Ресей Қазақстанға 9,6 мың тонна қарақұмық экспорттаған.

Сонымен қатар, 2026 жылы Ресей 2015 жылдан бері алғаш рет Тәжікстанға қарақұмық экспортын қайта бастады. Жеті айда бұл елге 135 тонна қарақұмық жеткізілді.