Қазақстанның агробизнесін өзгертетін технологиялар Алматыда өтетін 20-шы Мерейтойлық көрмеде таныстырылады

Алматыда, «Атакент» ҚІЫО-да 28–30 қазан аралығында AgroWorld Qazaqstan 2026 көрмесі 20-шы рет мерейтойлық форматта өтеді. Бұл көрме алаңы жыл сайын әлемнің түкпір-түкпірінен жүздеген өндіруші мен жеткізушіні, сарапшыларды, мемлекеттік органдар мен агробизнес өкілдерін біріктіріп, ауыл шаруашылығы мен агроөнеркәсіптік кешеннің негізгі бағыттары бойынша озық технологиялар мен шешімдерді ұсынады.

AgroWorld Qazaqstan шағын тақырыптық бөлімнен ірі халықаралық жобаға дейінгі даму жолынан өтті. Бүгінде ол Қазақстан мен Орталық Азиядағы ықпалды салалық көрмелердің біріне айналды.

2026 жылғы көрмеге 21 елден 180-нен астам компания қатысады. Германия, Грузия, Нидерланд және Оңтүстік Корея, сондай-ақ Ресей өңірлері өздерінің ұлттық экспозицияларын ұсынады. Салаға арналған жаңа технологиялар екі павильон мен ашық демонстрациялық алаңда көрсетіледі. Онда тракторлар, комбайндар және қант қызылшасын жинайтын техника таныстырылады.

AgroWorld Qazaqstan ұйымдастырушыларының мәліметінше, 20 жыл ішінде көрме 30 елден 4 мыңнан астам компания мен агроөнеркәсіп саласының 32 мыңнан астам маманын біріктірген. Осы жылдар ішінде көрме айтарлықтай өзгеріске ұшырады. Осыдан жиырма жыл бұрын салалық көрмелердің басты міндеттерінің бірі қазақстандық шаруаларды шетелдік технологиялармен және жабдықтармен таныстыру болса, бүгінде нарық сұранысы әлдеқайда кеңейді. Олардың қатарында автоматтандыру мен жасанды интеллект, суды үнемдеу, тиімді тыңайтқыштар, заманауи генетика, сапалы тұқым материалы, мал азығын өндіру технологиялары, қайта өңдеу, климаттық шешімдер және қаржыландыруға қол жеткізу бар.

Биыл AgroWorld Qazaqstan қандай жаңалықтар ұсынады?

Мал шаруашылығы, мал азығы мен тыңайтқыштардан бастап жасанды интеллектке дейін

Соңғы жылдары Қазақстан өңірлері мен Орталық Азия елдерінің агробизнес өкілдері жаңа технологияларды саланың барлық бағытына белсенді енгізуге байланысты сұраныстарын едәуір кеңейтті. Осы сұранысқа сәйкес көрме экспозициясы өсімдік шаруашылығы, мал шаруашылығы, құс шаруашылығы, астық, тыңайтқыштар мен өсімдіктерді қорғау құралдары, жылыжай шаруашылығы мен бау-бақша, суару, қайта өңдеу, ауыл шаруашылығы техникасы, фермалар мен кәсіпорындар құрылысы, ауыл шаруашылығы өнімдерін сақтау және логистика сияқты негізгі бағыттарды қамтиды.

Ветеринарияға, шетелдік және отандық өндірістегі мал азығы мен оның компоненттеріне, сондай-ақ өсімдік шаруашылығының тиімділігін арттыруға, тыңайтқыштар мен өсімдіктерді қорғау құралдары саласындағы инновацияларға ерекше назар аударылады.

Бұған қоса, өңірдегі барлық өзекті үрдістер көрменің ауқымды сараптамалық іскерлік бағдарламасында да көрініс табады. Бұл – AgroWorld көрмесін елдегі салалық іс-шаралар арасында ерекшелендіретін қырлардың бірі.

Құс шаруашылығы: көрме секторы төрт есе өсті

AgroWorld Qazaqstan көрмесіндегі ең елеулі өзгерістердің бірі – құс шаруашылығы бағытының дамуы. Көрменің 20 жылдық тарихында бұл сектор жеке бағыт ретінде ұсынылып келеді. Соңғы бес жылда оның экспозициядағы көлемі төрт есе ұлғайып, көрме алаңы өңірдегі құс шаруашылығы саласының басты басқосу орнына айналды.

Бұл өзгерістер Қазақстандағы құс шаруашылығының дамуымен тығыз байланысты. Соңғы бес жылда құс етін өндіру көлемі 58%-ға артты. Осы кезеңде ішкі нарықтағы отандық өнімнің үлесі 58%-дан 78%-ға дейін өсті. Қазір елде жылына жалпы қуаты 505 мың тоннаны құрайтын ет бағытындағы 32 кәсіпорын және жұмыртқа өндіретін 37 өнеркәсіптік құс фабрикасы жұмыс істейді. Жаңа инвестициялық кезең көрмеге келушілер санының артуынан да айқын байқалады. AgroWorld Qazaqstan көрмесіне құс шаруашылығының мамандары жаңа технологиялар мен салалық үрдістермен танысу үшін еліміздің түкпір-түкпірінен жиналады. Сондықтан жобаның мерейтойлық экспозициясында құстарды күтіп-бағу және азықтандыру технологиялары, құс фабрикаларына арналған жабдықтар, ветеринариялық шешімдер, қайта өңдеу, генетика және өнеркәсіптік өндірісте қолданылатын басқа да өнімдер қайта ұсынылады.

Іскерлік бағдарлама: агробизнеске дәл қазір не қажет

Көрменің мерейтойлық жылында ұйымдастырушылар іскерлік бағдарламаға ерекше мән беріп отыр. Бағдарлама ауыл шаруашылығының даму келешектері туралы жалпы әңгімелерге емес, шаруашылықтар мен агрокомпаниялар бүгінгі таңда кездесіп отырған нақты мәселелерге бағытталған.

28 қазанда бағдарламаны «АӨК-тің цифрлық трансформациясы: агробизнесті өзгертетін технологиялар» атты пленарлық сессия ашады. Онда жасанды интеллектіні іс жүзінде қолдану, цифрлық шешімдердің экономикалық тиімділігі және Қазақстанда AgTech технологияларын кеңінен енгізуге кедергі келтіріп отырған мәселелер талқыланады. Бұдан кейін суару жүйелерін басқару, су қауіпсіздігі, су бөлуді цифрландыру және суды пайдалану тиімділігін арттырудың жаңа тетіктеріне арналған жеке стратегиялық сессия өтеді. Оған ҚР Су ресурстары және ирригация министрлігінің, ҚР Ауыл шаруашылығы министрлігінің, «Қазсушар» мекемесінің, «Атамекен» ҰКП-ның, салалық қауымдастықтар мен халықаралық қаржы институттарының өкілдері қатысады.

Көрменің алғашқы күніндегі негізгі сессиялардың бірі – Women in AgroBusiness. Онда ерлер басым саладағы әйелдердің белсенді рөлі, инвестициялар, экспорт, қайта өңдеу, цифрландыру және АӨК-ті басқарудағы жаңа буынның маңызы сөз болады. Спикерлер қатарында ықпалды әйел кәсіпкерлер, өндіріс басшылары, фермерлер, сала сарапшылары, мемлекеттік органдар мен бизнес өкілдері бар.

Бағдарламада климаттық экономика мен көміртекті егіншілікке арналған ESG-сессия да қарастырылған. Онда фермердің егіннен түсетін табыстан бөлек, топырақта көміртекті жинақтау арқылы да кіріс таба алатыны туралы мәселе талқыланады.

Бірінші күн Санкт-Петербург компанияларының ұжымдық стендінде АӨК-ке арналған технологиялық инновациялардың таныстырылымымен аяқталады.

29 қазанда бағдарлама құс шаруашылығы, бау-бақша және агробизнесті жаңғыртуға арналған салалық бөлімдер мен практикалық кейстерді талқылау сессияларымен жалғасады. Биылғы дәстүрлі «Фермер мектебі» мал шаруашылығындағы азықтандыру технологиялары мен ветеринария мәселелеріне арналады.

Жылыжай және жидек өсіру бизнесі үшін отырғызу материалының сапасы мен in vitro жағдайында клондық микрокөбейту технологияларына арналған жеке сессия өтеді. Ал 30 қазанда кредиттеу және лизинг мәселелері бойынша кеңестер беріледі.

Сонымен қатар B2B және B2G форматындағы кездесулер, көрме турлары, келіссөздер, меморандумдарға қол қою рәсімдері мен мерейтойлық іс-шаралар ұйымдастырылады.

AgroWorld Qazaqstan көрмесін дәстүрлі түрде қазақстандық Iteca көрме компаниясы және оның халықаралық серіктесі – ICA Events компаниялар тобы ұйымдастырады. Іс-шараға ҚР Ауыл шаруашылығы министрлігі, Алматы қаласының әкімдігі, «Атамекен» ҰКП, Қазақстанның Құс өсірушілер одағы, Алматы облысының Бағбандар қауымдастығы, Қырғыз Республикасының АӨК дамыту қауымдастығы және басқа да ұйымдар қолдау көрсетеді.

Ауыл шаруашылығы саласындағы жылдың басты оқиғасын жіберіп алмаңыз: 28–30 қазан. Алматы қаласы, «Атакент» ҚІЫО, 9 және 10-павильондар, техниканың аспан астындағы көрмесі.

Алматыдағы AgroWorld Qazaqstan көрмесіне тегін кіру үшін көрменің ресми сайтында AWK26VEK промокодын пайдаланып, келуші бейджін алуға болады.

Көрме туралы толық ақпаратты agroworld.kz сайтынан табуға болады.