Тоқаев ауыл шаруашылығына ЖИ-ді кеңінен енгізуге шақырды
Қазақстанда ауыл шаруашылығын технологиялық жаңғырту уақыты келді. Бұл туралы Қазақстан Президенті Қасым-Жомарт Тоқаев Қазақстан халқына Жолдауында мәлімдеді.
«Елімізде заманауи тракторлар мен комбайндар өндірісін ұлғайту өзекті мәселе болып отыр. Бұл ауыл шаруашылығы өндірісінің тиімділігін арттыруға мүмкіндік береді», – деді мемлекет басшысы.
Ол сондай-ақ NVIDIA компаниясының негізін қалаушылардың бірі Дженсен Хуангтың Астанаға сапары кезінде Қазақстанның ауыл шаруашылығына жасанды интеллектіні кеңінен енгізу қажеттігі туралы айтқанын атап өтті. Қасым-Жомарт Тоқаевтың пікірінше, бұл ұсынысты кідіріссіз іске асыру қажет.
«Егер еліміз бұл жоспарларды сәтті жүзеге асырса, болашақта жаһандық азық-түлік тапшылығы, яғни әлемдік ашаршылық туындаған жағдайда, Еуразия әлемді азық-түлікпен қамтамасыз ететін негізгі орталыққа айналуы мүмкін. Қазақстанның ірі су көздерінің бойында орналасқан ауқымды жер алқаптары бар. Оларды суару дәстүрлі дақылдардың өнімділігін 2–2,5 есе арттыруға мүмкіндік береді. Бұл ретте егіс алқаптарын кеңейту тек су үнемдейтін озық технологиялар мен агрохимиялық тәсілдерді қолдану арқылы жүзеге асырылуға тиіс», – деп атап өтті президент.