ҚазАгроҚаржы 100,5 млрд.теңгеге ауыл шаруашылық техникаларын лизингке қаржыландырды

 «ҚазАгроҚаржы» компаниясы жыл басынан бері 100 млрд 484,6 млн.теңгеге 5 625  жабдық сатып алу үшін қаржы бөлді. Пандемиямен байланысты қиындықтарға қарамастан, ҚАҚ-тың несиелік портфеліндегі белсенді клиенттер саны 8 мыңға дейін өсті.

«Фермерлер комбайндар, тракторлар, тұқым себу кешендері, тұқым сепкіштер мен басқа да қондырғылар, сондай-ақ автомобильдер сатып алды», - деп хабарлады компанияның баспасөз қызметі.

Солтүстік Қазақстан облысының шаруа қожалықтары 17 465 875 474 теңгеге қаржылық лизинг шартын жасасты, бұл оларға 588 бірлік ауыл шаруашылығы техникаларын сатып алуға мүмкіндік берді.

Қостанай облысында «ҚазАгроҚаржы» арқылы 13 603 426 915 теңгеге 524 бірлік техника сатып алынды. Ақмола облысында - 9 764 586 176 теңгеге 284 бірлік. Павлодар облысында - 7 900 887 876 теңгеге 331 дана. Батыс Қазақстан облысында - 6 702 238 765 теңгеге 838 бірлікке. Қызылорда облысында - 6 449 941 655-ке 126 бірлікке. Шығыс Қазақстан облысында - 5 626 880 539 теңгеге 556 бірлік. Қарағандыда - 5 613 481 242 теңгеге 370 бірлік. Түркістан облысында - 5 443 487 023 теңгеге 577 бірлік алынды.

3 миллиардтан астам теңгеге Жамбыл және Алматы облыстарының экономикасын «ҚазАгроҚаржы» арқылы ауыл шаруашылық құралдары сатып алынды. 432 млн.теңгені ҚАҚ Атырау филиалы арқылы - Атырау және Маңғыстау облыстарының ауыл шаруашылық құрылымдарына жұмсады.

Тақырыпқа байланысты оқу: Бизнес өкілдері Экокодекс жобасына түзетулер ұсынды

Баспасөз қызметі хабарлағандай аграрлықтардың қаржылық жағдайының нашарлауына жол бермеу үшін Қазақстанда 15 наурыздан бастап төтенше жағдай режимін енгізуге байланысты «ҚазАгроҚаржы» бірқатар қолдау шараларын өткізгенін еске салды. Атап айтқанда, банктік қарыз шарттары бойынша негізгі қарыз және (немесе) сыйақы бойынша төлемдерді уақтылы төлемегені үшін айыппұлдар мен өсімпұлдарды есептеу, төтенше жағдайды енгізу салдарынан төлемдерді кешіктірген клиенттерге қаржылық лизинг беру тоқтатылды.

Сондай-ақ банктік несие және (немесе) қаржылық лизинг шарттары бойынша төлемдер, оның ішінде негізгі қарыз және сыйақы бойынша төлемдер жеке кәсіпкерлер мен шағын және орта бизнес субъектілеріне 90 күнге дейін кейінге қалдырылды.

Сонымен қатар, Түркістан облысы, Мақтаарал ауданындағы тасқын судан зардап шеккен қарыз алушыларға айыппұл төлемей бір жарым жыл мерзімге төлемдер кейінге қалдырылды.