ҚР-да балық шаруашылығын субсидиялау ережесі әзірленді

Экология, геология және табиғи ресурстар министрлігі акваөсіру (балық өсіру шаруашылығы) өнімінің өнімділігі мен сапасын арттыруды, сондай-ақ асыл тұқымды балық шаруашылығын дамытуды субсидиялау қағидаларының жобасын талқылауға ұсынды.

Қағидалар субсидиялауды көздейді:

• Бекіре, албырт, тұқы, жайын, цихлид, лат, араван балық түрлері мен олардың будандарын, шаян тәрізділерді өсіру кезінде пайдаланылатын азықтарды сатып алу шығыстарының 30%.
• Балық отырғызу материалын сатып алу шығыстарының 50%;
• Балық өсіру-биологиялық негіздемені сатып алу шығыстарының 50%;
• Дәрілік препараттарды сатып алу шығыстарының 50%.
• Аналық-жөндеу табынын сатып алуға және оны күтіп-ұстауға жұмсалатын шығыстардың 50%.

Ұсынылып отырған қағидаларға сәйкес акваөсіру өнімінің өнімділігі мен сапасын арттыруды, сондай-ақ асыл тұқымды балық шаруашылығын дамытуды субсидиялау көлемі бойынша ұсыныстар екі данада жасалады және тиісті жылдың 20 қаңтарынан кешіктірілмей облыс, республикалық маңызы бар қала, астана әкімінің қолы қойылған ілеспе хатпен мақұлдануға ұсынылады. Сондай-ақ субсидиялар көлемі бойынша есеп айырысуды негіздейтін құжаттар қоса беріледі.

Тақырып бойынша оқу: "Ақтау теңіз порты" АЭА-да бекіре зауыты салынады

Оң шешім қабылданған жағдайда, Министрлік ілеспе хатпен субсидиялау көлемі жөніндегі ұсыныстың бір данасын тиісті жылдың 30 қаңтарынан кешіктірмей қайтарады. Теріс шешім қабылданған жағдайда, ұсыныстың екі данасы да дәлелді негіздемемен, сондай-ақ 30 қаңтардан кешіктірілмей пысықтауға жіберіледі.

Субсидиялау көлемі бойынша пысықталған ұсыныстар Министрлікке қайта мақұлдауға тиісті жылдың 5 ақпанынан кешіктірілмей беріледі. Министрліктен мақұлданған ұсыныс 10 ақпаннан кешіктірілмей қайтарылады.

Осыдан кейін субсидиялау көлемі әкімдіктің қаулысымен бекітіледі. Жергілікті атқарушы орган мемлекеттік мекемелердің субсидияларға арналған міндеттемелері мен төлемдері бойынша жеке қаржыландыру жоспары бекітілгеннен кейін үш жұмыс күні ішінде оны веб-порталда орналастырады.

Субсидиялар алу үшін өндіруші жемшөп сатып алу фактісін растауға, өткен жылдың төртінші тоқсанында және (немесе) ағымдағы жылы балық өнімдері өндірісінің көлемін, балықтардың шығу тегі туралы мәліметтерді және басқа да қажетті мәліметтерді растауы тиіс.