АШМ жер мәселелері бойынша консультативтік орган құруда

ҚР АШМ Жер ресурстарын басқару комитетінің жанынан тұрақты жұмыс істейтін жер мәселелері жөніндегі консультативтік-кеңесші орган құрылады. Мұндай шешім жер қатынастары саласы іс жүзінде әрбір азаматтың мүдделерін қозғайтынын ескере отырып қабылданды. Бұл туралы АШМ баспасөз қызметі хабарлады.

Ведомствода ағымдағы жылдың 30 маусымында мемлекет басшысы жер қатынастары туралы заңнамаға түзетулерге қол қойғанын еске салды. Жер ресурстарын тұрақты басқаруға бағытталған бірқатар маңызды новеллалар қабылданды. Осы жұмысты жалғастыру үшін жер қатынастары саласын реформалау бойынша қажетті өзгерістерді талқылау және қабылдау үшін пәрменді алаңға айналатын консультативтік-кеңесші орган құру туралы шешім қабылданды.

Тақырып бойынша оқу: Тоқаев жер туралы заңнамаға түзетулерге қол қойды

"Аталған органның құрамына ҚР Парламентінің депутаттары, қоғамдық пікір көшбасшылары, белсенді азаматтық ұстанымы бар азаматтар, ауыл шаруашылығы, құрылыс, ЖТҚ, өнеркәсіп және басқа да салалардағы жер мәселелерін көтеріп жүрген ел жұртшылығының өкілдері кіретін болады", - деп түсіндірді баспасөз қызметі.

Ауыл шаруашылығы министрі Ербол Қарашөкеев Жер ресурстарын басқару комитетіне осы органды құру үшін қысқа мерзімде барлық қажетті іс-шараларды жүргізуді тапсырды.