Жасыл дамуды Ержан Сәрсенбай басқарды
Ержан Сәрсенбай "Жасыл даму" АҚ Басқарма төрағасы болып тағайындалды. Бұл туралы ElDala.kz ҚР экология, геология және табиғи ресурстар министрлігінің баспасөз қызметіне сілтеме жасай отырып хабарлайды.
Естеріңізге сала кетейік, кеше Жанат Саматтың "Жасыл даму" басшысы қызметінен кеткені белгілі болды.
Ержан Сәрсенбай 2001 жылдың қарашасынан 2006 жылдың шілдесіне дейін ҚР Қаржы министрлігінде жетекші маманнан басқарма басшысына дейін қызмет атқарды.
2006 жылғы шілдеден 2007 жылғы сәуірге дейін - ҚР премьер-Министрі Кеңсесінің Әлеуметтік-мәдени даму бөлімінің ғылым және инновациялық қызмет секторының меңгерушісі.
2007 жылғы мамырдан 2010 жылғы қарашаға дейін "Қазақстанның Даму Банкі" АҚ жобаларға агенттік қызмет көрсету басқармасының бастығы
2011 жылғы мамырдан 2014 жылғы ақпанға дейін - "Азық-түлік келісім шарт корпорациясы" ҰК" АҚ несие беру және несиеліу әкімшілендіру департаментінің директоры.
2015 жылғы қаңтардан 2017 жылғы ақпанға дейін - ҚР Ұлттық экономика министрлігінің Экономика салаларын дамыту департаменті директорының орынбасары.
2017 жылғы ақпан айынан бастап 2021 жылдың ақпан айына дейін - ҚР Ұлттық экономика министрлігінің Мемлекет міндеттемелерін басқару және қаржы секторын дамыту департаментінің директоры.
2021 жылғы ақпаннан бастап 2022 жылғы ақпанға дейін - "Қазақстандық мемлекеттік – жекешелік әріптестік орталығы" АҚ Басқарма төрағасы.