ЕК: Қазақстан өз шикізатынан өнімдерді импорттайды

Қазақстанда азық-түлік өнімдерінің импортын алмастыру міндеті іске асырылмаған. Қайта өңдеуді дамыту жеткіліксіз болған жағдайда республикадан ауыл шаруашылығы шикізаты шығарылады. Бұл туралы Есеп комитетінің төрайымы Наталья Годунова Парламент Сенатының жалпы отырысында сөйлеген сөзінде мәлімдеді.

"Импортты алмастыру саясатынан күтілетін қайтарым жоқ. Отандық тауар өндірушілер Қазақстанның базалық азық-түлік тауарларына деген сұранысын қанағаттандыра алмады. Ал біз - аграрлық әлеуеті жоғары елміз.  Жағдай мынадай, қайта өңдеуді дамытқаннан гөрі, шикізатты әкету тиімдірек", - деді Есеп комитетінің басшысы.     

Сонымен қатар, ол Қазақстанның азық-түлік өнімдерін, оның ішінде өз шикізатынан импорттауды жалғастырып жатқанын атап өтті. Нәтижесінде халықтың тұтыну шығындарының шамамен 50% тамақ өнімдері алады, ал халықтың әл-ауқаты жоғары инфляцияға байланысты ЖІӨ өсімінің 4% - ына сәйкес келмейді.

"Мұнда "Қарапайым заттар экономикасы" бағдарламасы жұмыс істеуі керек еді. Алайда, іс жүзінде қаражаттың жартысы ғана тамақ және жеңіл өнеркәсіпке бағытталған. Қалғаны - қонақ үйлер, жеке мектептер, стоматология, қызметтер, оны тіпті халықтық тұтыну тауарларын өндіруге жатқызудың өзі қиын", - деді Наталья Годунова.

Естеріңізге сала кетейік, мамыр айының қорытындысы бойынша Қазақстанда жылдық азық-түлік инфляциясы 19% - ға жетті.