ЕАЭО-дан күнбағыс тұқымдарын экспорттау үшін қыркүйек айына дейін арнайы режим болады

Еуразиялық экономикалық комиссия (ЕЭК) алқасы жаздың аяғына дейін күнбағыс тұқымдарын Еуразиялық экономикалық одақ (ЕАЭО) аумағынан шығарудың арнайы режимін белгілеу туралы шешім қабылдады. Бұл туралы ЕЭК баспасөз қызметінен хабарлады.

Баспасөз қызметінің хабарлауынша, қазіргі уақытта күнбағыс тұқымдарын экспорттауға тыйым салынған, ол 2020 жылдың 30 маусымында аяқталады. Осыдан кейін 31 тамызға дейін экспортты лицензиялау рәсімі жұмыс істейді.

«Аталған өнімді экспорттаудың мұндай ерекше режимі әлемдік нарықтағы сұраныстың артуына байланысты және коронавирус індеті кезінде азық-түлік қауіпсіздігін қамтамасыз ету үшін шетелдік серіктестердің қорларын қалыптастырумен байланысты. Одақта жаңа егін жиналмас бұрын, ішкі нарықты күнбағыс тұқымдарымен қамтамасыз ету қажет, бұл шаралар  жетіспеушіліктің алдын алу үшін жасалады», - деп түсіндірді ЕЭК Сауда министрі Андрей Слепнев.

Соңғы жылдары ЕАЭО-ға мүше мемлекеттердегі күнбағыс майын өндіретін қуаттың үлкен көлемін ескере отырып, ЕЭК шикізат тұтынушыларынан өнімнің артық жиналуы немесе  бағаның тым төмен болуы байқалмайды.

Сонымен қатар, Ресей Федерациясы аталған өнімді ірі экспорттаушылардың бірі болып табылатындығын ескере отырып, бұл шаралар Одақтың кедендік аумағында күнбағыс тұқымдарын қайта өңдеуді әрі қарай жалғастыруға, кейіннен дайын өнімді алыс шетелге сатуға мүмкіндік береді.