2020 жылы Қостанай облысында сафлор алқаптары артатын болады

2020 жылы Қостанай облысы Арқалық ауданының аграршылары 6 мың гектардан 10 мың гектарға дейін сафлор егетін алқаптарды кеңейтеді, деп жазады «КазахЗерно».

Аудан әкімі Қайрат Әбішевтің айтуынша, аймақта майлы дақылдардың көлемін біртіндеп арттыру жоспарланып отыр. Атап айтқанда сафлор егу жоспарда бар.

Әкім хабарлағандай, 2020 жылы егістік жерлердің ерекшелігіне сәйкес 280,4 мың га алқапқа жаздық егіс жұмыстарын жүргізу жоспарланып отыр-бұл 2019 жыл деңгейімен бірдей көлем. Оның ішінде астық өнімі 261,4 мың. га немесе  93% жерге себілетін болады.

«Біздің аймақтағы  күзгі-қысқы жауын-шашынның мөлшері 175 мм құрайды, бұл өткен жылғы деңгейден 38% - ға жоғары. Бұл шаруаларға биылғы жылы аграршылар үшін жақсы егін болуы мүмкін деген үлкен үміт береді. Алдағы көктемгі егіс жұмыстары уақытында  жүргізілетін болады»,- деді Қайрат Әбішев.

Әкім сонымен қатар, 2020 ж. егіске қажетті тұқым көлемі ― 25,8 мың т себілгендігін айтты. 2020 жылы 570 т сұйық минералды тыңайтқыштар енгізу жоспарлануда, 2019 жылғы көрсеткішпен салыстырғанда 470 т-ға артық.

Ауыл шаруашылық техникалары туралы айтатын болсақ, бүгінгі таңда аймақтағы шаруашылықтарда  1 мыңға жуық трактор, 38 бірлік егіс кешендері, 380 егіс агрегаттары бар. Тракторлардың жұмысқа дайындығы-80%, егіс кешендерінің дайындығы — 100%, ауыл шаруашылығы кәсіпорындары — 95% дайын.

«Кәсіпорындардағы  техникалық жабдықталу мәселесіне келсек, осы техникалар арқылы егіс жұмыстарын 15 күннен 20 күнге дейін қолайлы мерзімде жүргізуге мүмкіндік бар. Жыл сайын техниканың жаңартылуы 2,3% — ға дейін, ағымдағы жылы 4% - ға дейін жеткізуді жоспарлап отырмыз», - деп нақтылады Қайрат Әбішев.

 Ол сондай-ақ, «Аграрлық несие корпорациясы» АҚ және  «Ауыл шаруашылығын қаржылай қолдау қоры» жүйесі бойынша ауыл шаруашылығындағы көктемгі егіс және егін жинау жұмыстарын жүргізуге 620 млн теңге сомасында сұраныс бергенін, бұл 2019 жылғы көрсеткіштен 559 млн теңгеге  артық екенін атап өтті.

Айта кетейік, Halyk Bank және Аграрлық несие корпорациясының арасында  жасалған келісімдер бойынша АӨК субъектілеріне 2020 жылы көктемгі егіс және егін жинау жұмыстарын жүргізуге жылдық 5% мөлшермен  несие беру мүмкіндігі бар.