Olzha Argo Бельгияға зығырды 16 миллион долларға жеткізеді

Olzha Argo Trade компаниясы бельгиялық Vandeputte компаниясымен зығыр жеткізу туралы келісімге қол қойды. Бұл туралы "KAZAKH INVEST" ҰК" АҚ баспасөз қызметі ҚР Президентінің Бельгияға сапары аясында 20-дан астам ірі еуропалық компания басшылығының қатысуымен өткен дөңгелек үстел қорытындысы бойынша хабарлады. 

Қол қойылған келісімнің сомасы $16 млн құрайды делінген. 

Тақырып бойынша оқу: Olzha Agro сүт фермаларына 100 миллион доллар инвестиция салады  

Сонымен қатар, іс-шара аясында Қазақстанның сыртқы сауда палатасы Брюссель BECI Сауда-өнеркәсіп палатасымен және Фландрия VOKA сауда-өнеркәсіп палатасымен екі меморандумға қол қойды. 

Сондай-ақ іс-шара аясында ҚР СІМ Инвестициялар жөніндегі комитетінің, "KAZAKH INVEST" ҰК" АҚ басшылығы әлеуетті және іске асырылып жатқан инвестициялық жобалар бойынша бельгиялық тараппен бірқатар B2B кездесулер өткізді. 

"Келіссөздер қорытындысы бойынша қазақстандық делегация бельгиялық бизнес тарапынан Қазақстан Республикасымен ынтымақтастыққа жоғары қызығушылық танытты", - деп атап өтті ҚР СІМ Инвестициялар комитетінің төрағасы Ардақ Зебешев және бірлескен жұмыс болашақта көлемді ұлғайтуға, сондай-ақ екі елдің өзара іс-қимыл құрылымын кеңейтуге мүмкіндік беретініне сенім білдірді. 

Соңғы 15 жылда Бельгия Қазақстан экономикасына $9 млрд астам инвестиция салды. Бүгінгі таңда Қазақстанда бельгиялық капиталдың қатысуымен шамамен 70 кәсіпорын табысты жұмыс істеуде. 

Olzha Argo Trade - дәнді және майлы дақылдар экспортымен айналысатын трейдингтік компания. Компания өнімдерін Орталық Азия елдеріне (Өзбекстан, Тәжікстан, Ауғанстан), Иран, Ресей, Қытай, сондай-ақ Еуропа елдеріне экспорттайды.