Agritechnica-да Қазақстанның ірі агрокәсіпорынның басшысы сөз сөйлейді

Agritechnica-2025 көрмесіне келушілер ауыл шаруашылығының тиімді әдістеріне арналған сессияларға қатыса алады. Олардың бірі – «Farm Forward 2035 – үш континенттен Ақылды Тиімділікке көзқарастар» 10 қарашада Ганновер көрме орталығының 24 павильонында (A06 стенді) өтеді.

Көрменің ұйымдастырушысы DLG мәліметінше, сессияда Қазақстан, Австралия және Канададан келген ірі ауыл шаруашылығы кәсіпорындарының басшылары сөз сөйлейді. Максим Божко – Shanyrak Group бас директоры және тең иесі, Джейсон Фризен – Канададан G&B Friesen Farms және Resilire Ag Ltdкомпаниясының тең иесі және Австралиядан келген Excel Farms Бас директоры Ник Патерсон өсімдік шаруашылығының болашағы туралы өз көзқарасымен бөліседі. Сессияның модераторы DLG басқарма мүшесі және Saat-Gut Plaußig Voges KG (Германия) бас директоры доктор Анна Катарина Фогес болады.

DLG атап өткендей, бұл сессия фермерлер, кеңесшілер және аграрлық саланың барлық мамандары үшін пайдалы болады. Үш елдің сарапшылары 2035 жылға арналған стратегиялық көзқарасымен бөліседі, сондай-ақ аграрлық салаға жасанды интеллектті енгізу, процестерді автоматтандыру, қызметкерлерді басқару және басқа да өзекті тақырыптарды талқылайды.

Сессия уақыты - 16:00-ден 18:00-ге дейін.

Естеріңізге сала кетейік: Agritechnica көрмесі 9-15 қараша аралығында Ганноверде өтеді. Көрмеге 50-ден астам елден 2700 экспонент және 430 мың келуші қатысады деп күтілуде.