Қызылорда облысы томат пастасын өндіруге 13,5 млрд теңге жұмсайды

KOÇ Holding түрік компаниясының өкілі Озгур Бурак Ақкөл және Orbis Kazakhstan отандық компаниясының басшысы Сухраб Махмудов Қызылорда облысы Жаңақорған ауданында томат пастасын өндіретін зауыт салу мәселелерін талқылады. Бұл туралы ElDala.kz аймақ әкімінің баспасөз қызметіне сілтеме жасай отырып хабарлайды.

Әкімдіктің мәліметінше, 13,5 млрд теңгеге жоба жылына 24 мың тонна томат пастасын шығарады.

Жобаны екі компания тең үлестермен қаржыландыратаны атап өтіледі.

Зауыт іске қосылғаннан кейін 154 жұмыс орны ашылады.

Бұған дейін хабарланғандай, өткен аптада өңір басшысы Нұрлыбек Нәлібаевтың тапсырмасы бойынша облыс әкімінің бірінші орынбасары Серік Қожаниязов Түркияға барып, бірқатар компаниялардың өкілдерімен келіссөздер жүргізді. Атап айтқанда, Tat Gida түрік компаниясымен қызанақ өңдейтін кәсіпорын салу мәселесі талқыланды.

Сонымен қатар, түрік кәсіпкерлері өңірдің өндіріс орындарында және сауда орындарында пайдаланылатын қағаз ыдысын шығару бойынша жобаларды іске асыруға қызығушылық білдірді.