Қазақстанда қант қызылшасынан көп өнім жиналады деп күтілуде

«Қазгидромет» биыл Қазақстанның оңтүстік облыстарында қант қызылшасының өнімділігі жоғары болады деп болжам айтуда.

Алдын-ала есептелген мәліметтерді және агрометеорологиялық болжамды ескере отырып, Алматы және Жамбыл облыстарында қант қызылшасының түсімі жылдағы орташа көрсеткіштен жоғары болады деп күтілуде, деп хабарлайды «Қазгидромет».

Орталықтың мәліметіне сәйкес, Алматы облысында жүгерінің шығымдылығы ұзақ жылдардағыдай көрсеткіште болады деп күтілуде, Жамбыл облысында төмен, ал Түркістан облысында да сол қалыпта болады деп болжануда.

Дәнді дақылдардың мөлшері туралы соңғы болжам тамыз айында ұсынылады.

Бұған дейін Павлодар облысында қант шығаратын зауыт салу үшін қызылша егілгені хабарланған болатын.